လံာ်မးသဲ 21:38 - Sgaw Karen Common Bible

³⁸ ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 21:38 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:7

ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်စီၤပၤအခီၣ်ထံးတဘ့ၣ် 1:12

နမ့ၢ်အဲၣ်ဒိးနသးသမူဒီးနဖိခွါစီၤၡလိၤမိၤအသးသမူပူၤ ဖျဲးန့ၣ်, ယကဟ့ၣ်ကူၣ်နၤဒ်အံၤ,

လံာ်မးသဲ 21:34

တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မးသဲ 21:37

လၢခံကတၢၢ်အဝဲဆှၢလီၤအဖိခွါဆူအဝဲသ့ၣ်အအိၣ်ဒီးစံး, ‘မ့မ့ၢ်ယဖိခွါန့ၣ်, အဝဲသ့ၣ်ကယူးယီၣ်ပာ်ကဲဝဲသပှၢ်ကတၢၢ်လီၤ.’

လံာ်မးသဲ 21:39

လၢတၢ်န့ၣ်အဃိ, အဝဲသ့ၣ်ဟံးဃာ်အီၤ, ထုးထီၣ်အီၤဆူစပံးလီၢ် အချၢ, ဝံၤမၤသံကွံာ်အီၤလီၤ.”

လံာ်လူၤကၣ် 20:14

ဘၣ်ဆၣ်ဒီး, ဖဲပှၤမၤစပံးလီၢ်တဖၣ်ထံၣ်အီၤန့ၣ်, အဝဲသ့ၣ်စံးလိာ်အသးတဂၤဒီးတဂၤ, ‘အဝဲအံၤမ့ၢ်စပံးလီၢ်ကစၢ်အဖိခွါလီၤ. မ်ပမၤသံအီၤတက့ၢ်. ဒီးအဝဲအတၢ်န့ၢ်သါကကဲထီၣ်ပတၢ်လီၤ.’

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.