လံာ်မးသဲ 21:37 - Sgaw Karen Common Bible

³⁷ လၢခံကတၢၢ်အဝဲဆှၢလီၤအဖိခွါဆူအဝဲသ့ၣ်အအိၣ်ဒီးစံး, ‘မ့မ့ၢ်ယဖိခွါန့ၣ်, အဝဲသ့ၣ်ကယူးယီၣ်ပာ်ကဲဝဲသပှၢ်ကတၢၢ်လီၤ.’

လံာ်မးသဲ 21:37 Iomraidhean Croise

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယံးရမံယၤ 36:3

ဘၣ်သ့ၣ်သ့ၣ် ဖဲကီၢ်ယူဒၤအပှၤဂီၢ်မုၢ်နၢ်ဟူ တၢ်ဂ့ၢ်ဘၣ်ဃးတၢ်ဟးဂီၤလၢ ယတိာ်ပာ်လၢ ယကဒုးလီၤဘၣ်လၢအဝဲသ့ၣ်အလိၤန့ၣ်, အဝဲသ့ၣ် ကဃၣ်ကွံာ်အသးလၢ ကျဲအအၢအသီတဖၣ်န့ၣ်လီၤ. အန့ၣ်ဒီး, ယကပျၢ်ကွံာ်အဝဲသ့ၣ်အတၢ်အၢတၢ်သီဒီး အတၢ်ဒဲးဘးတဖၣ်န့ၣ်လီၤ.”

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်မးသဲ 21:36

မၤကဒီး, ဆှၢလီၤအခ့အပှၤအဂၤတဖၣ်အါန့ၢ်လၢအခီၣ်ထံးတဘျီတက့ၢ်, ဒီးအဝဲသ့ၣ်မၤအီၤဒ်လၢညါတဘျီအသိးလီၤ.

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မၢ်ကူး 12:6

အဝဲကမၢလီၤဝဲအဂီၢ်ပှၤအိၣ်တီၢ်ထဲတဂၤလၢအမ့ၢ်အဖိခွါလၢ အအဲၣ်ဘၣ်ဝဲဒိၣ်မးန့ၣ်လီၤ. လၢခံကတၢၢ်မၢလီၤဝဲဆူပှၤဒိးလဲအီၣ်တၢ်တဖၣ်အအိၣ်လီၤ. အဝဲဒၣ်စံးဝဲ, “ယနာ်လၢအဝဲသ့ၣ်ကပာ်ကဲယဖိခွါလီၤ.”

လံာ်လူၤကၣ် 20:13

တုၤနုၤတစုစပံးလီၢ်ကစၢ်စံးဝဲ, ‘ယကဘၣ်မၤဒ်လဲၣ်. ယကဆှၢလီၤယဖိခွါသးဘိဒၣ်ယဲဒီး, သပှၢ်ကတၢၢ်, အဝဲသ့ၣ်ကယူးယီၣ်ပာ်ကဲအီၤလီၤ.’

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.