လံာ်မးသဲ 21:34 - Sgaw Karen Common Bible

³⁴ တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မးသဲ 21:34 Iomraidhean Croise

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်မးသဲ 21:35

ပှၤဒိးလဲစပံးလီၢ်တဖၣ် ဟံးဃာ်အဝဲအခ့အပှၤတဖၣ်, ဒီးတီၢ်ဝဲတဂၤ, မၤသံဝဲတဂၤ, ဒီးကွံာ်ဝဲလၢလၢၢ်တဂၤလီၤ.

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 21:40

ယ့ၣ်ၡူးသံကွၢ်အဝဲသ့ၣ်, “တုၤစပံးလီၢ်ကစၢ်ဟဲက့ၤဒီး, ကမၤပှၤဒိးလဲစပံးလီၢ်တဖၣ်အံၤဒ်လဲၣ်.”

လံာ်မးသဲ 21:41

အဝဲသ့ၣ်စံးဆၢအီၤ, “ကမၤသံပှၤအၢပှၤသီတဖၣ်န့ၣ်သပှၢ်ကတၢၢ်လီၤ. ဒီးကဒိးလဲလီၤဝဲစပံးလီၢ်ဆူပှၤဒိးလဲစပံးလီၢ်အဂၤ, လၢအကဟ့ၣ်အီၤတၢ်လၢအဂ့ၤဒိးန့ၢ်ဝဲဘၣ်ဆၢဘၣ်ကတီၢ် တဖၣ်န့ၣ်လီၤ.”

လံာ်မးသဲ 22:3

အဝဲမၢလီၤအခ့အပှၤတဖၣ်ဒ်သိးအကလဲၤဒီးကိးန့ၢ် ပှၤလၢအဘၣ်တၢ်ကွဲမုာ်အီၤတဖၣ်လီၤ. ဘၣ်ဆၣ်ဒီး အဝဲသ့ၣ်အသးတအိၣ်ဟဲဝဲဘၣ်.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်မၢ်ကူး 12:7

ဘၣ်ဆၣ်ဒီးပှၤဒိးလဲအီၣ်တၢ်တဖၣ်စံးလိာ်အသးတဂၤဒီးတဂၤ, “အဝဲတဂၤအံၤမ့ၢ်စပံးလီၢ်ကစၢ်အဖိခွါလၢကန့ၢ်ဘၣ် သါတၢ်ဖိတၢ်လံၤလီၤ. ဟဲဃီၤ, မ်ပကမၤသံကွံာ်အီၤ, အန့ၣ်ဒီးတၢ်ဖိတၢ်လံၤလၢအကြၢးန့ၢ်ဘၣ်ဝဲန့ၣ်ကကဲပတၢ်လီၤ.”

လံာ်မၢ်ကူး 12:9

ယ့ၣ်ၡူးသံကွၢ်ဝဲ, “မ့မ့ၢ်ဒ်န့ၣ်ဒီးစပံးလီၢ်ကစၢ်တဂၤန့ၣ်ကမၤဝဲဒ်လဲၣ်. အဝဲဒၣ်ကဟဲဒီးမၤသံကွံာ်ပှၤဒိးလဲအီၣ်စပံးလီၢ်တဖၣ်န့ၣ်, ဒီးကဒိးလဲလီၤက့ၤအစပံးလီၢ်လၢပှၤဂၤတဖၣ်လီၤ.

လံာ်လူၤကၣ် 20:9

တုၤနုၤတစုယ့ၣ်ၡူးစံးဘၣ်တဲဘၣ်ပှၤဂီၢ်မုၢ်တဖၣ်လၢတၢ် ကတိၤဒိတထံၣ်အံၤလီၤ. “ပှၤတဂၤသူၣ်လီၤစပံးလီၢ်တလီၢ်, ဒိးလဲလီၤဝဲဆူပှၤမၤဟီၣ်ခိၣ်တဖၣ်, ဝံၤဒီးဟးထီၣ်လၢအဟံၣ်ဖးယံာ်လီၤ.