လံာ်မးသဲ 21:31 - Sgaw Karen Common Bible

³¹ ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 21:31 Iomraidhean Croise

လံာ်စီၤယိၤဘး 15:6

အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်မးသဲ 12:50

အဂ့ၢ်ဒ်အံၤ, ပှၤတဂၤလၢ်လၢ်လၢအမၤဖဲဒၣ်ယပၢ်အိၣ်လၢမူခိၣ် အတၢ်ဘၣ်အသးန့ၣ်, မ့ၢ်ယဒီပုၢ်ဝဲၢ်ခွါ, ယဒီပုၢ်ဝဲၢ်မုၣ်ဒီးယမိၢ်လီၤ.”

လံာ်မးသဲ 18:3

ဒီးစံး, “ယစံးဘၣ်သုတၢ်မ့ၢ်တၢ်တီအံၤလၢ, မ့တမ့ၢ်ဘၣ်လၢသုလဲလိာ်သုတၢ်ပာ်သူၣ်ပာ်သး, ဒီးကဲထီၣ်ဒ်ဖိသၣ်တဖၣ်အသိးဘၣ်ဒီး, သုတလဲၤနုာ်ဘၣ်ဆူမူခိၣ်ဘီမုၢ်အပူၤနီတဘျီဘၣ်.

လံာ်မးသဲ 20:16

ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

လံာ်မးသဲ 21:30

ပၢ်အံၤလဲၤကဒီးဆူအဖိခွါအဆံးတဂၤအအိၣ်ဒီးစံးတၢ်တမံၤဃီလီၤ. ဖိခွါအံၤစံးဆၢဝဲ, ‘မ့ၢ်ပၢ်ဧၢ, ယကလဲၤ’ ဘၣ်ဆၣ်ဒီးတလဲၤဝဲဘၣ်.

လံာ်မးသဲ 5:18

ယစံးဘၣ်တဲဘၣ်သုတၢ်မ့ၢ်တၢ်တီအံၤလီၤ. တချုးဒံးဘၣ်လၢမူခိၣ်ဒီးဟီၣ်ခိၣ် အစိၤကတၢၢ်ဝဲဒီးတၢ်သိၣ်တၢ်သီခဲလၢာ်လၢထီၣ်ပှဲၤထီၣ်ဝဲန့ၣ်, လံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ်ဖိတဖျၢၣ်, အနၢၣ်ဖိတနၢၣ်ဒၣ်လဲာ်တဘၣ်တၢ်မၤဟးဂီၤအီၤဘၣ်.

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်လူၤကၣ် 7:29

ပှၤဂီၢ်မုၢ်ခဲလၢာ်, ဒီးပှၤဃ့သွဲတဖၣ်နၢ်ဟူဘၣ်အဝဲအတၢ်စံးတၢ်ကတိၤလီၤ. အဝဲသ့ၣ်မ့ၢ်ပှၤတဖၣ်လၢအစူၢ်တ့ၢ်ကစၢ်ယွၤအတၢ်မၤလိာ်အတီအလိၤတဖၣ် ဒီးဘၣ်တၢ်ဘျၢတ့ၢ်အီၤလၢစီၤယိၤဟၣ်န့ၣ်လီၤ.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.