လံာ်မးသဲ 21:30 - Sgaw Karen Common Bible

³⁰ ပၢ်အံၤလဲၤကဒီးဆူအဖိခွါအဆံးတဂၤအအိၣ်ဒီးစံးတၢ်တမံၤဃီလီၤ. ဖိခွါအံၤစံးဆၢဝဲ, ‘မ့ၢ်ပၢ်ဧၢ, ယကလဲၤ’ ဘၣ်ဆၣ်ဒီးတလဲၤဝဲဘၣ်.

လံာ်မးသဲ 21:30 Iomraidhean Croise

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မးသဲ 21:29

ဒီးအဖိခွါန့ၣ်စံးဆၢအီၤ, ‘ယတလဲၤဘၣ်.’ ဘၣ်ဆၣ်လၢခံက့ၤအသးလဲလိာ်အသးဒီးလဲၤဝဲလီၤ.

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 23:3

လၢတၢ်န့ၣ်အဃိ, သုဘၣ်စူၢ်ဒီးတိၢ်န့ၢ်တၢ်ကိးမံၤဒဲးလၢအဝဲသ့ၣ်တဲသုလၢ သုကဘၣ်မၤန့ၣ်လီၤ. ဘၣ်ဆၣ်ဒီး, တၢ်လၢအဝဲသ့ၣ်မၤဝဲတဖၣ်န့ၣ်တဘၣ်မၤဒိးတဂ့ၤ. အဂ့ၢ်ဒ်အံၤ, အဝဲသ့ၣ်တမၤထွဲတၢ်လၢအဝဲသ့ၣ်စံၣ်တဲၤတဲလီၤဝဲန့ၣ်ဘၣ်.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.