လံာ်မးသဲ 21:19 - Sgaw Karen Common Bible

¹⁹ အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 21:19 Iomraidhean Croise

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်မးသဲ 21:20

အပျဲၢ်အဘီၣ်တဖၣ်ထံၣ်တၢ်မၤအသးအံၤဒီး, ကမၢကမၣ်ဝဲဒိၣ်မး, ဒီးစံး, “ချၢၣ်ဒၢတထူၣ်အံၤဃ့ထီကွံာ်ဝဲချ့သဒံးဒ်လဲၣ်.”

လံာ်မၢ်ကူး 11:14

ယ့ၣ်ၡူးစံးဘၣ်သ့ၣ်တထူၣ်န့ၣ်, “လီၤစိၤလီၤဃၣ်မ်ပှၤသုတအီၣ်ဘၣ်လၢၤနသၣ်နီတဂၤတဂ့ၤ.” ဒီးအပျဲၢ်အဘီၣ်တဖၣ်နၢ်ဟူဝဲအတၢ်ကတိၤအံၤန့ၣ်လီၤ.

လံာ်မၢ်ကူး 11:20

လၢခံတနံၤဂီၤဂီၤကလဲာ်အဝဲသ့ၣ်လဲၤတၢ်လၢကျဲဒီးထံၣ်ဝဲ ချၢၣ်ဒၢတထူၣ်န့ၣ်ဃ့ထီကွံာ်ဒီထူၣ်ညါတုၤလီၤလၢအဂံၢ် တဖၣ်ဒၣ်လဲာ်လီၤ.

လံာ်လူၤကၣ် 3:9

ကွါအိၣ်ကတဲာ်ကတီၤပာ်လံအသးလၢတၢ်ကကူာ်လီၤကွံာ်သ့ၣ် တဖၣ်တုၤလၢအဂံၢ်ခီၣ်ထံးလီၤ. သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်အဂ့ၤန့ၣ်, ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.”

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.