လံာ်မးသဲ 21:12 - Sgaw Karen Common Bible

¹² ယ့ၣ်ၡူးလဲၤနုာ်ဆူတၢ်လုၢ်ဟံၣ်အပူၤ, ဒီးဟီထီၣ်ကွံာ်ပှၤလၢအဆါတၢ်ပှ့ၤတၢ်လၢတၢ်လုၢ်ဟံၣ်အပူၤခဲလၢာ်, ဒီးမၤလီၤတကျၢၢ်ကွံာ်ပှၤခီလဲကျိၣ်စ့တဖၣ်အစီၢ်နီၤခိၣ် တဖၣ်, ဒီးပှၤဆါထိၣ်လွံၢ်တဖၣ်အလီၢ်ဆ့ၣ်နီၤတဖၣ်န့ၣ်လီၤ.

လံာ်မးသဲ 21:12 Iomraidhean Croise

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:6

ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:22

ဒီးကဘၣ်ဟဲစိာ်စ့ၢ်ကီးဝဲထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ် န့ၣ်လီၤ. တဘ့ၣ်န့ၣ်ကမ့ၢ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ် န့ၣ်ကမ့ၢ်လၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:30

အန့ၣ်ဝံၤဒီး, ကလုၢ်ထီၣ်ဝဲဒၣ်ထိၣ်လွံၢ်ဘုၣ်တဘ့ၣ်မ့တမ့ၢ်ကးက့ၣ်ဖိတဘ့ၣ်,

လံာ်တၢ်ဘူၣ်ထီၣ်ဘါထီၣ် 15:14

ဒီးလၢဃိးသီတသီန့ၣ်ကဘၣ်ဟံးန့ၢ်ထိၣ်ကးက့ၣ်ဖိ ခံဘ့ၣ်မ့တမ့ၢ်ထိၣ်လွံၢ်ဘုၣ်ခံဘ့ၣ်ဒီးဟဲစိာ်ဝဲဆူတၢ်ဘူၣ် ထီၣ်ဘါထီၣ်ယွၤအဒဲအကျဲစၢၤဒီးဟ့ၣ်လီၤဝဲဆူပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:29

ဒီးလၢဃိးနံၤတနံၤန့ၣ်ကဘၣ်ဟဲစိာ်ဝဲထိၣ်လွံၢ်ဘုၣ်ခံဘ့ၣ်မ့တမ့ၢ်, ထိၣ်ကးက့ၣ်ဖိခံဘ့ၣ်ဆူပှၤလုၢ်တၢ်အခိၣ်အအိၣ်, ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်မၢ်ကူး 11:11

ယ့ၣ်ၡူးလဲၤနုာ်လီၤဝဲလၢဝ့ၢ်ယရူၤၡလ့ၣ်အပူၤဒီးလဲၤနုာ်ဝဲ ဆူတၢ်လုၢ်ဟံၣ်ပူၤလီၤ. ဖဲန့ၣ်အဝဲဒၣ်ကွၢ်တၢ်ကိးမံၤဒဲးဝးတရံးအီၤ, ဒီးမ့ၢ်လၢမုၢ်ကလီၤနုာ်ဘူးတ့ၢ်လံအဃိ, အဝဲဒၣ်ဟးထီၣ်ကွံာ်ဖဲန့ၣ်ဒီးလဲၤဝဲဆူသဝီဘ့ၤသနံ ဃုာ်ဒီးအပျဲၢ်အဘီၣ်တဆံခံဂၤန့ၣ်လီၤ.

လံာ်လူၤကၣ် 2:24

အဝဲသ့ၣ်လဲၤစ့ၢ်ကီးဒ်သိးအကလုၢ်ထီၣ်ပာ်ထီၣ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ဖိခံဘ့ၣ်, ဒ်ကစၢ်ယွၤအတၢ်သိၣ်တၢ်သီစံးပာ်ဝဲအသိးန့ၣ်လီၤ.

လံာ်ယိၤဟၣ် 2:13

မ့ၢ်လၢပှၤယူဒၤဖိအဘူၣ်လဲၤကပာ်ဘူးထီၣ်လံအဃိ, ယ့ၣ်ၡူးလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ.