လံာ်မးသဲ 21:10 - Sgaw Karen Common Bible

¹⁰ တုၤယ့ၣ်ၡူးလဲၤနုာ်ဆူဝ့ၢ်ယရူၤၡလ့ၣ်အပူၤဒီး, တၢ်တၢထီၣ်တၢလီၤဒီဝ့ၢ်ညါဒီးပှၤဝ့ၢ်ဖိတဖၣ်သံကွၢ်တၢ်ဒီး စံး, “ပှၤအံၤမ့ၢ်မတၤလဲၣ်.”

လံာ်မးသဲ 21:10 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်မးသဲ 2:3

တုၤစီၤပၤဟ့ၤရိာ်နၢ်ဟူတၢ်အံၤဒီးအသးကိၢ်ထီၣ်ဂီၤထီၣ်ဒိၣ် မးလီၤ. ပှၤခဲလၢာ်လၢအအိၣ်လၢဝ့ၢ်ယရူၤၡလ့ၣ်အပူၤစ့ၢ်ကီး အသးကိၢ်ဃုာ်ဒီးအီၤလီၤ.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်လူၤကၣ် 20:2

ဒီးစံးဘၣ်အီၤ, “စံးဘၣ်တဲဘၣ်ပှၤတက့ၢ်. နမၤတၢ်သ့ၣ်တဖၣ်အံၤန့ၣ်, နအိၣ်ဒီးတၢ်ခွဲးတၢ်ယာ်မနုၤတမံၤလဲၣ်. မ့ၢ်မတၤဟ့ၣ်စိဟ့ၣ်ကမီၤနၤလၢနကမၤတၢ်သ့ၣ်တဖၣ်အံၤအဂီၢ်န့ၣ်လဲၣ်.”

လံာ်လူၤကၣ် 5:21

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပှၤဖၤရံၤၡဲ တဖၣ်စံးလိာ်အသးတဂၤဒီးတဂၤဒီးစံးဝဲ, “ပှၤလၢအကတိၤကမၣ်ကစၢ်ယွၤလၢကျဲဒ်အံၤအသိးတဂၤ အံၤမ့ၢ်မတၤတဂၤလဲၣ်. ပှၤကညီပျၢ်တၢ်ဒဲးဘးတသ့နီတဂၤဘၣ်, သ့ထဲကစၢ်ယွၤတဂၤဧိၤလီၤ.”

လံာ်လူၤကၣ် 7:49

ပှၤလၢအဆ့ၣ်နီၤသန့ၤဃုာ်လၢတၢ်အီၣ်အစီၢ်နီၤခိၣ်တဖၣ်စံးလိာ်အသး သကိးသကိး, “ပှၤလၢအပျၢ်ကွံာ်ဒၣ်လဲာ်တၢ်ဒဲးဘးတဂၤအံၤ, မ့ၢ်မတၤတဂၤလဲၣ်.”

လံာ်လူၤကၣ် 9:9

စီၤဟ့ၤရိာ်စံးဝဲ, “ယမၢတ့ၢ်ပှၤဒီၣ်တဲာ်ကွံာ်စီၤယိၤဟၣ်အခိၣ်လံ. မ့မ့ၢ်ပှၤတဂၤအံၤလၢယ နၢ်ဟူဘၣ်အဂ့ၢ်အကျိၤသ့ၣ်တဖၣ်န့ၣ်, မ့ၢ်မတၤတဂၤလဲၣ်.” ဒီးအဝဲဒၣ်ဂုာ်ကျဲးစၢးဃုထံၣ်ယ့ၣ်ၡူးလီၤ.

လံာ်ယိၤဟၣ် 2:18

အန့ၣ်ဒီးပှၤယူဒၤဖိအခိၣ်အနၢ်တဖၣ်စံးဘၣ်အီၤ, “နမၤတၢ်လီၤလးမနုၤသ့လၢကဒုးနဲၣ်ပှၤလၢယွၤ ဟ့ၣ်နၤတၢ်အခွဲးအယာ်လၢနကမၤတၢ်အံၤန့ၣ်လဲၣ်.”

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

လံာ်နီၢ်ရူၤသး 1:19

အဝဲသ့ၣ်ခံဂၤလဲၤသကိးတၢ်တုၤအလဲၤတုၤဝ့ၢ်ဘ့ၤသလ့ဃ့ၣ်န့ၣ် လီၤ. ဖဲအလဲၤတုၤဝဲန့ၣ်, ပှၤဝ့ၢ်ဖိခဲလၢာ်အိၣ်ဒီးတၢ်သူၣ်ပိၢ်သးဝးန့ၣ်လီၤ. ဒီးပှၤပိာ်မုၣ်တဖၣ်စံးဝဲ, “အဝဲအံၤမ့ၢ်နီၢ်နၤဧမံန့ၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”