လံာ်မးသဲ 21:1 - Sgaw Karen Common Bible

¹ ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်မးသဲ 21:1 Iomraidhean Croise

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်မးသဲ 20:34

ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 21:2

ဒီးစံးဘၣ်အဝဲသ့ၣ်, “လဲၤနုာ်ဆူသဝီလၢအအိၣ်လၢသုမဲာ်ညါတက့ၢ်. ဒီးတဘျီဃီသုကထံၣ်ဘၣ်ကသ့ၣ်ယီၤမိၢ်တဒုအိၣ်စၢဃာ်အသးအိၣ် ဃုာ်ဒီးအဖိတဒုလၢအကပၤလီၤ. ဃ့ၣ်လီၤဒီးဟဲက့ၤမိၤအဝဲသ့ၣ်ဆူယအိၣ်တက့ၢ်.

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မးသဲ 26:30

ဝံၤဒီးအဝဲသ့ၣ်သးဝံၣ်ထါသးဝံၣ်တယုၢ်, ဒီးလဲၤထီၣ်ဝဲဆူကစၢၢ်သ့ၣ်စၤယံးအလိၤန့ၣ်လီၤ.

လံာ်မၢ်ကူး 13:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်ဒီးကွၢ်ဃီၤ တၢ်ဆူတၢ်လုၢ်ဟံၣ်အကတီၢ်န့ၣ်, စီၤပ့းတရူး, စီၤယၤကိာ်, စီၤယိၤဟၣ်, ဒီးစီၤအၣ်ဒရ့းတဖၣ်သံကွၢ်အီၤကစုဒု,

လံာ်မၢ်ကူး 14:26

အန့ၣ်ဒီးအဝဲသ့ၣ်သးဝံၣ်ထါစံးပတြၢၤယွၤတယုၢ်ဝံၤဟးထီၣ် ဝဲဒီးလဲၤဝဲဆူကစၢၢ်သ့ၣ်စၤယံးအဒီခိၣ်န့ၣ်လီၤ.

လံာ်လူၤကၣ် 21:37

ဖဲမုၢ်နံၤမုၢ်သီတဖၣ်န့ၣ်, ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ် အပူၤဒီးဖဲအတုၤဃီၤဟါခီလီၤအဆၢကတီၢ်န့ၣ်, အဝဲဟးထီၣ်ဒ်သိးအကအိၣ်ဝဲဖဲကစၢၢ်သ့ၣ်စၤယံးအလိၤဖဲ မုၢ်နၤတၢ်ခံးအဆၢကတီၢ်န့ၣ်လီၤ.

လံာ်လူၤကၣ် 22:39

ယ့ၣ်ၡူးဟးထီၣ်လၢဝ့ၢ်ပူၤဒီးလဲၤဝဲဒ်အညီနုၢ်အသိးဆူကစၢၢ်သ့ၣ်စၤယံး, ဒီးအပျဲၢ်အဘီၣ်တဖၣ်လဲၤဃုာ်ဒီးအီၤလီၤ.

လံာ်ယိၤဟၣ် 8:1

[ဒီးလၢမုၢ်ဆ့ၣ်ထီၣ်ဂီၤဂီၤန့ၣ်, ယ့ၣ်ၡူးက့ၤကဒါက့ၤဆူ တၢ်လုၢ်ဟံၣ်အပူၤန့ၣ်လီၤ.

မၤတၢ် 1:12

အန့ၣ်ဒီးအပျဲၢ်အဘီၣ်တဖၣ်လၢအအိၣ်ဝဲလၢကစၢၢ်သ့ၣ်စၤယံး အဒီခိၣ်န့ၣ်, က့ၤကဒါက့ၤဝဲဆူဝ့ၢ်ယရူၤရှလ့ၣ်လၢအအိၣ်စီၤစုၤယံၤဝဲမံး လးတဝာ်န့ၣ်လီၤ.