လံာ်မးသဲ 20:7 - Sgaw Karen Common Bible

⁷ အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

လံာ်မးသဲ 20:7 Iomraidhean Croise

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်မးသဲ 20:1

မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီပှၤအိၣ်ဝဲတဂၤလၢအဟးထီၣ်လၢအဟံၣ်ဂီၤဂီၤ, ဒ်သိးကဒိးလဲန့ၢ်ပှၤမၤတၢ်ဖိလၢအကဟဲမၤတၢ်လၢအစပံးလီၢ် အပူၤန့ၣ်လီၤ.

လံာ်မးသဲ 20:6

လၢဟါခီယဲၢ်နၣ်ရံၣ်ဃၣ်ဃၣ်န့ၣ်ဟးထီၣ်ကဒီးဝဲဆူဖၠါပူၤ, ဒီးထံၣ်ဒံးပှၤတနီၤဆၢထၢၣ်ဝဲဖဲန့ၣ်, ဒီးစံးဘၣ်အဝဲသ့ၣ်, ‘ဘၣ်မနုၤလၢသုဆၢထၢၣ်အိၣ်ကလီကလီသ့တနံၤကျၢၤန့ၣ်လဲၣ်.’

လံာ်မးသဲ 20:8

တုၤမုၢ်ဟါလီၤဒီး, စပံးလီၢ်အကစၢ်စံးဘၣ်အပှၤကွၢ်ထွဲတၢ်မၤအခိၣ် တဂၤဒီးစံး, ‘ကိးန့ၢ်ပှၤမၤတၢ်ဖိတဖၣ်, ဒီးဟ့ၣ်လီၤအီၤလၢအဘူးအလဲ, စးထီၣ်လၢပှၤဟဲတုၤလၢခံကတၢၢ်တဂၤ, တုၤလီၤလၢပှၤဟဲတုၤလၢညါကတၢၢ်တဂၤတက့ၢ်.’

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

မၤတၢ် 4:16

ဒီးသံကွၢ်လိာ်အသးတဂၤဒီးတဂၤ, “ပကမၤဘၣ်ပှၤခံဂၤအံၤဒ်လဲၣ်. အဝဲသ့ၣ်မၤတ့ၢ်လံတၢ်လီၤလးဒိၣ်ဒိၣ်မုၢ်မုၢ်တခါအံၤဒီးပှၤဝ့ၢ် ယရူၤၡလ့ၣ်ဖိကိးဂၤဒဲးသ့ၣ်ညါဝဲသတးဒီးပကသမၢပဝဲဒီးစံးလၢ အဝဲသ့ၣ်တမၤဝဲဘၣ်န့ၣ်, ပစံးတသ့လ့ၤတက့ၤဘၣ်.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

အ့းဖ့းစူး 6:8

သုသ့ၣ်ညါသုဝဲလၢကစၢ်ကဟ့ၣ်ဘူးဟ့ၣ်လဲပှၤကိးဂၤဒဲး, ပှၤကုၢ်ဖိမ့ၢ်ဂ့ၤ, ပှၤသဘျ့ဖိမ့ၢ်ဂ့ၤ, လၢတၢ်မၤအဂ့ၤအဘၣ်လၢအမၤဝဲအဃိခဲလၢာ်လီၤ.

ကလီးစဲ 1:26

အအံၤမ့ၢ်တၢ်ခူသူၣ်လၢယွၤပာ်ခူသူၣ်တ့ၢ်ဝဲလၢပှၤဟီၣ်ခိၣ်ဖိ အမဲာ်ညါလၢတၢ်အစိၤလၢအပူၤကွံာ်တဖၣ်, ဘၣ်ဆၣ်ဒီးခဲအံၤ လီၣ်ဖျါထီၣ်န့ၢ်လံအပှၤဂီၢ်မုၢ်န့ၣ်လံ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.