လံာ်မးသဲ 20:34 - Sgaw Karen Common Bible

³⁴ ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 20:34 Iomraidhean Croise

စံးထီၣ်ပတြၢၤ 119:67

ယတချုးဘၣ်ဒံးဘၣ်တၢ်နးတၢ်ဖှီၣ်ဒီး, ယညီနုၢ်ဟးဖျိးကျဲလီၤ. မ့မ့ၢ်ခဲကနံၣ်အံၤ, ယတိၢ်န့ၢ်ဖံးဃာ် နကလုၢ်နကထါလီၤ.

စံးထီၣ်ပတြၢၤ 119:71

ယဘၣ်တၢ်နးတၢ်ဖှီၣ်န့ၣ်ဂ့ၤဝဲလၢယဂီၢ် လၢယကမၤလိနတၢ်သိၣ်တၢ်သီ တဖၣ်အဂီၢ်န့ၣ်လီၤ.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်မးသဲ 15:32

ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”

လံာ်မးသဲ 20:33

အဝဲသ့ၣ်စံးဆၢဝဲ, “ကစၢ်ဧၢ, ပအဲၣ်ဒိးလၢနကဒုးထံၣ်ထီၣ်က့ၤပှၤတၢ်လီၤ.”

လံာ်မးသဲ 21:1

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်မးသဲ 8:15

အဝဲထိးဘၣ်ပိာ်မုၣ်န့ၣ်အစု, ဒီးတၢ်လိၤကိၢ်န့ၣ်ဘျါက့ၤဝဲဒီး အဝဲဒၣ်ဆၢထၢၣ်မၤတၢ်အခ့အပှၤအတၢ်မၤလၢအဂီၢ်လီၤ.

လံာ်မးသဲ 9:29

တုၤနုၤတစုယ့ၣ်ၡူးထိးဘၣ်အဝဲသ့ၣ်အမဲာ်ချံတဖၣ်ဒီးစံး, “မ်သုထံၣ်ထီၣ်က့ၤတၢ်ဒ်သုနာ်တၢ်အသိးန့ၣ်တက့ၢ်.”

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

လံာ်မၢ်ကူး 7:33

အန့ၣ်ဒီးယ့ၣ်ၡူးမိၤထီၣ်အီၤထဲတဂၤဧိၤစီၤစုၤဒီးကမျၢၢ်အိၣ်တၢ်အလီၢ်, ဆွံနုာ်အစုနၢတဖၣ်လၢအနၢ်ခံခီလၢာ်အပူၤဝံၤထုးထီၣ်က့ၤအီၤ, ဒီးထူးပှဲာ်လီၤအစုနၢ, ဒီးထိးဘၣ်အဝဲဒၣ်အပျ့ၤန့ၣ်လီၤ.

လံာ်လူၤကၣ် 18:43

တဘျီဃီဖဲန့ၣ်အဝဲဒၣ်ထံၣ်ထီၣ်က့ၤတၢ်, ဒီးအဝဲဒၣ်ပိာ်ထီၣ်ယ့ၣ်ၡူးအခံ, အိၣ်ဒီးတၢ်စံးဘျုးစံးဖှိၣ်ယွၤလီၤ. ဖဲပှၤဂီၢ်မုၢ်ထံၣ်တၢ်အံၤဒီး, စံးထီၣ်ပတြၢၤယွၤခဲလၢာ်လီၤ.

လံာ်လူၤကၣ် 22:51

ဘၣ်ဆၣ်ဒီးယ့ၣ်ၡူးစံးဝဲ, “ထဲန့ၣ်ဘၣ်လံ” အဝဲဒၣ်ထိးပှၤတဂၤန့ၣ်အနၢ်ဒီးမၤဘျါက့ၤအီၤလီၤ.

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.