လံာ်မးသဲ 20:26 - Sgaw Karen Common Bible

²⁶ တၢ်ဒ်အံၤတဘၣ်မၤအသးလၢသုသိးသုကျါဘၣ်. မ့မ့ၢ်, ပှၤတဂၤလၢ်လၢ်လၢသုကျါအသးမ့ၢ်အိၣ်ကဲထီၣ်ပှၤအဒိၣ်ဒီး, ကဘၣ်မၤတၢ်အခ့အပှၤအတၢ်မၤလၢပှၤအဂၤတဖၣ်အဂီၢ်လီၤ.

လံာ်မးသဲ 20:26 Iomraidhean Croise

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်မးသဲ 20:27

ဒီးပှၤတဂၤလၢ်လၢ်လၢသုကျါမ့ၢ်သးအိၣ်ကဲထီၣ်ပှၤအခိၣ်ဒီး, ကဘၣ်ကဲထီၣ်သုကုၢ်သုပှၤ

လံာ်မးသဲ 25:44

တုၤနုၤတစုအဝဲသ့ၣ်စံးဆၢက့ၤစီၤပၤဒီးစံး, ‘ကစၢ်ဧၢ, မ့ၢ်ပထံၣ်ဘၣ်တၢ်သၣ်ဝံၤနသးမ့ၢ်ဂ့ၤ, တၢ်သူနသးလၢထံမ့ၢ်ဂ့ၤ, နမ့ၢ်ပှၤသမှံၤမ့ၢ်ဂ့ၤ, နအိၣ်ဘ့ၣ်ဆ့မ့ၢ်ဂ့ၤ, နဆူးနဆါမ့ၢ်ဂ့ၤ, နအိၣ်လၢဃိာ်ပူၤမ့ၢ်ဂ့ၤဒီးပတမၤစၢၤဘၣ်နၤန့ၣ်, မ့ၢ်အခါဖဲလဲၣ်.’

လံာ်မးသဲ 27:55

ဖဲန့ၣ်ပှၤပိာ်မုၣ်အါဒံအါဂၤလၢအဟဲပိာ်ယ့ၣ်ၡူးအခံလၢကၤ လံၤလါဒီးမၤစၢၤတ့ၢ်အီၤတဖၣ်, အိၣ်ဆၢထၢၣ်ကွၢ်စိတၢ်လၢအယံၤလီၤ.

လံာ်မၢ်ကူး 10:43

သနာ်က့ဒီးလၢသုဝဲသ့ၣ်တဖၣ်အသိးအကျါန့ၣ်, တဘၣ်မ့ၢ်တၢ်ဒ်န့ၣ်အသိးဘၣ်. မ့မ့ၢ်ပှၤတဂၤဂၤမ့ၢ်အဲၣ်ဒိးကဲပှၤအဒိၣ်လၢသုကျါဒီး, ကဘၣ်ကဲလၢသုခ့သုပှၤ,

လံာ်မၢ်ကူး 10:45

အဂ့ၢ်ဒ်လဲၣ်န့ၣ်, ပှၤကညီဖိခွါဒၣ်လဲာ်ဟဲဝဲတမ့ၢ်လၢပှၤကကဲအခ့ အပှၤအဂီၢ်ဘၣ်. မ့ၢ်ဒ်သိးကကဲတၢ်ခ့တၢ်ပှၤဒီးဟ့ၣ်လီၤအသးသမူလၢ တၢ်ပှ့ၤက့ၤပှၤဂီၢ်မုၢ်တဖၣ်အဂီၢ်လီၤ.”

လံာ်မၢ်ကူး 9:35

ယ့ၣ်ၡူးဆ့ၣ်နီၤဝဲ, ကိးဃီၤအပျဲၢ်အဘီၣ်တဆံခံဂၤန့ၣ်ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအအဲၣ်ဒိးတၢ်လီၢ်တၢ်လၤအဒိၣ်ကတၢၢ်န့ၣ်, ကဘၣ်ဟံးန့ၢ်တၢ်လီၢ်တၢ်လၤအဆံးကတၢၢ်ဒီးကဘၣ်ကဲပှၤကိးဂၤဒဲး အခ့အပှၤလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 22:26

ဘၣ်ဆၣ်ဒီးသုဝဲသ့ၣ်တဖၣ်, သုတမ့ၢ်ဒ်န့ၣ်အသိးဘၣ်. မ့မ့ၢ်, ပှၤအဒိၣ်ကတၢၢ်လၢသုကျါကဘၣ်မ့ၢ်ဝဲဒ်ပှၤအဆံးကတၢၢ်တဂၤ အသိး, ဒီးပှၤအခိၣ်ကဘၣ်မ့ၢ်ဝဲဒ်တၢ်ခ့တၢ်ပှၤတဂၤအသိးန့ၣ်လီၤ.

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

ဖံၤလ့မိၣ် 1:13

ယသးအိၣ်ကိးဃာ်အီၤလၢယသကိးဖဲယလီၤဘၣ်ဃိာ်လၢတၢ်သးခု ကစီၣ်အဃိ, ဒ်သိးဒီးအကမၤစၢၤယၤလၢနလီၢ်န့ၣ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.