လံာ်မးသဲ 20:25 - Sgaw Karen Common Bible

²⁵ တုၤနုၤတစု, ယ့ၣ်ၡူးကိးဃီၤအဝဲသ့ၣ်ဆူအအိၣ်ဒီးစံးဘၣ်အဝဲသ့ၣ်, “သုသ့ၣ်ညါလၢပှၤပၢထံကီၢ်လၢအတသ့ၣ်ညါယွၤတဖၣ်ပၢတၢ်အိၣ် ဒီးတၢ်ပာ်ကစၢ်အသးဒီးဟံးန့ၢ်တၢ်စိတၢ်ကမီၤလၢထံဖိကီၢ်ဖိအဖီ ခိၣ်လီၤ.

လံာ်မးသဲ 20:25 Iomraidhean Croise

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 20:24

တုၤအပျဲၢ်အဘီၣ်အဂၤတဆံဂၤနၢ်ဟူတၢ်ဂ့ၢ်အံၤဒီး, အဝဲသ့ၣ်အသးဒိၣ်ဘၣ်ပှၤဒီပုၢ်ဝဲၢ်ခွါခံဂၤန့ၣ်လီၤ.

လံာ်မၢ်ကူး 10:42

သတးဒီး, ယ့ၣ်ၡူးကိးဃီၤအဝဲသ့ၣ်တဖၣ်ခဲလၢာ်ဆူအအိၣ်ဒီးစံး ဘၣ်အီၤ, “သုသ့ၣ်ညါသုဝဲလၢပှၤသ့ၣ်တဖၣ်လၢတၢ်ပာ်အီၤဒ် အမ့ၢ်ပှၤပၢဘၣ်တၢ်လၢပှၤတခီဘီမုၢ်ဖိတဖၣ်အဖီခိၣ်န့ၣ်, ပာ်ကစၢ်အသးလၢပှၤလၢအပၢဘၣ်ဝဲအဖီခိၣ်, ဒီးအဝဲသ့ၣ်အခိၣ်အနၢ်တဖၣ်ဟံးန့ၢ်တၢ်စိတၢ်ကမီၤလၢ အဝဲသ့ၣ်အဖီခိၣ်လီၤ.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.