လံာ်မးသဲ 20:23 - Sgaw Karen Common Bible

²³ ယ့ၣ်ၡူးစံးဆၢအဝဲသ့ၣ်, “သုကအီဘၣ်ယလီခီသပှၢ်ကတၢၢ်လီၤ. ဘၣ်ဆၣ်ဒီး, တၢ်ဆ့ၣ်နီၤလၢယစုစ့ၣ်မ့ၢ်ဂ့ၤယစုထွဲမ့ၢ်ဂ့ၤန့ၣ်, တအိၣ်လၢယစုပူၤလၢယကပျဲသုဘၣ်. မ့မ့ၢ်, တၢ်လီၢ်တဖၣ်အံၤ, မ့ၢ်ဒၣ်ပှၤလၢယပၢ်ကတဲာ်ကတီၤပာ်တ့ၢ်လၢအဂီၢ်တဖၣ်အတၢ်လီၤ.”

လံာ်မးသဲ 20:23 Iomraidhean Croise

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 20:24

တုၤအပျဲၢ်အဘီၣ်အဂၤတဆံဂၤနၢ်ဟူတၢ်ဂ့ၢ်အံၤဒီး, အဝဲသ့ၣ်အသးဒိၣ်ဘၣ်ပှၤဒီပုၢ်ဝဲၢ်ခွါခံဂၤန့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မၢ်ကူး 10:40

ဘၣ်ဆၣ်ဒီးတၢ်ဒုးဆ့ၣ်နီၤပှၤလၢယစုထွဲမ့ၢ်ဂ့ၤ, ယစုစ့ၣ်မ့ၢ်ဂ့ၤန့ၣ် တအိၣ်လၢယစုပူၤဘၣ်. ကစၢ်ယွၤကဟ့ၣ်လီၤတၢ်လီၢ်တဖၣ် အံၤလၢပှၤလၢအဝဲဒၣ်ကတဲာ်ကတီၤပာ်ဝဲလၢအဂီၢ်န့ၣ်လီၤ.”

မၤတၢ် 12:2

ခီဖျိအဝဲဟ့ၣ်လီၤအကလုၢ်န့ၣ်, စီၤယိၤဟၣ်အဒီပုၢ်ဝဲၢ်စီၤယၤကိာ်ဘၣ်တၢ်မၤသံကွံာ်အီၤလၢနး န့ၣ်လီၤ.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

၂ ကရံၣ်သူး 1:7

လၢတၢ်န့ၣ်အဃိပတၢ်မုၢ်လၢ်လၢသုပူၤန့ၣ်, တဘၣ်တၢ်မၤဟူးမၤဝးအီၤနီတစုဘၣ်. ပသ့ၣ်ညါလၢ, ဒ်သုဒိးန့ၢ်ဃုာ်တၢ်လၢပတၢ်တူၢ်ဘၣ်တၢ်တဖၣ် အပူၤအသိးန့ၣ်, သုဒိးန့ၢ်ဘၣ်ဃုာ်စ့ၢ်ကီးတၢ်လၢတၢ်မၤစၢၤလၢ ပဒိးန့ၢ်အီၤအပူၤန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.