လံာ်မးသဲ 20:22 - Sgaw Karen Common Bible

²² ဘၣ်ဆၣ်ယ့ၣ်ၡူးစံးဆၢအဝဲသ့ၣ်ဒီးစံး, “သုဃ့တၢ်မနုၤမနုၤ လဲၣ်န့ၣ်, သုတသ့ၣ်ညါဘၣ်. တၢ်နးတၢ်ဖှီၣ်အလီခီလၢယကဘၣ်အီန့ၣ်, မ့ၢ်သုအီကကဲကစီဒီဧါ.” အဝဲသ့ၣ်စံးဆၢအီၤ, “ကဲကစီဒီလီၤ.”

လံာ်မးသဲ 20:22 Iomraidhean Croise

စံးထီၣ်ပတြၢၤ 75:3

တၢ်လၢအမူဝဲခဲလၢာ်မ့ၢ်ကနိးကစုာ်, ဒီးဟီၣ်ခိၣ်ဒၣ်လဲာ်မ့ၢ်ဟူးဝးဝဲဘၣ်ဆၣ်, ယကမၤဂၢၢ်ကျၢၤအခီၣ်ထံးတဖၣ်န့ၣ်လီၤ. စ့လၤ

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယံးရမံယၤ 49:12

ပှၤတဖၣ်လၢ အတကြၢးတၢ်စံၣ်ညီၣ်အီၤဒၣ်လဲၣ်, မ့ၢ်ဘၣ်အီၤတၢ်လၢ တၢ်စံၣ်ညီၣ်အလီခီပူၤဒီး, မ့ၢ်သုဆိကမိၣ်လၢ သုကပူၤဖျဲးဒီးတၢ်စံၣ်ညီၣ်န့ၣ်ဧါ. တပူၤဖျဲးဘၣ်. သုကဘၣ်အီတၢ်လၢလီခီန့ၣ်အပူၤလီၤ.

လံာ်မးသဲ 26:35

စီၤပ့းတရူးစံးဆၢအီၤ, “ယမ့ၢ်ဘၣ်သံဃုာ်ဒီးနၤဒၣ်လဲာ်, ယတသမၢနၤနီတဘျီဘၣ်.” ဒီးအပျဲၢ်အဘီၣ်အဂၤတဖၣ်ခဲလၢာ်စံးတၢ်တမံၤဃီလီၤ.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မၢ်ကူး 14:36

ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

လံာ်လူၤကၣ် 12:50

တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်.

လံာ်လူၤကၣ် 22:42

“ပၢ်ဧၢ,” အဝဲဒၣ်စံးဝဲ, “မ့ၢ်ဘၣ်နသးဒီးထုးကွံာ်လၢ်လီခီအံၤလၢယအိၣ်တက့ၢ်. ဘၣ်ဆၣ်ဒီး, တမ့ၢ်ဖဲဒၣ်ယသးဘၣ်. မ်နတၢ်ဘၣ်နသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

လံာ်ယိၤဟၣ် 18:11

ယ့ၣ်ၡူးစံးဘၣ်စီၤပ့းတရူး, “ဖျီၣ်နုာ်က့ၤနနးဆူအတြိးပူၤန့ၣ် တက့ၢ်. မ့ၢ်ယတဘၣ်အီတၢ်နးတၢ်ဖှီၣ်အလီခီလၢယပၢ်ဟ့ၣ်လီၤ ယၤန့ၣ်ဘၣ်ဧါ.”

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.