လံာ်မးသဲ 20:21 - Sgaw Karen Common Bible

²¹ ဒီးယ့ၣ်ၡူးသံကွၢ်အီၤ, “နသးလီမနုၤလဲၣ်.” အဝဲစံးဆၢဝဲ, “အၢၣ်လီၤယၤလၢယဖိခွါခံဂၤအံၤ, ကဆ့ၣ်နီၤတဂၤလၢနစုထွဲဒီးတဂၤလၢနစုစ့ၣ်, လၢနဘီနမုၢ်အပူၤတက့ၢ်.”

လံာ်မးသဲ 20:21 Iomraidhean Croise

လံာ်စီၤပၤအခီၣ်ထံးတဘ့ၣ် 2:19

လၢတၢ်န့ၣ်အဃိ, နီၢ်ဘၤသၡ့ဘၤလဲၤဃီၤဆူစီၤပၤအအိၣ်ဒ်သိး ကကတိၤတၢ်ဒီးအီၤလၢစီၤအဒိနံၤယၤအဂီၢ်န့ၣ်လီၤ. စီၤပၤဂဲၤထၢၣ်လၢကသဂၢၢ်အမိၢ်ဒီးသကူးလီၤအသးဒီးဟ့ၣ်အီၤတၢ် ယူးယီၣ်န့ၣ်လီၤ. ဝံၤဒီးအဝဲဆ့ၣ်နီၤလၢအလီၢ်ပစိာ်အဖီခိၣ်ဒီးမၢပှၤဟဲစိာ် နုာ်လီၢ်ပစိာ်အဂၤတခါ, ဒီးအမိၢ်ဆ့ၣ်နီၤဝဲလၢလီၢ်ပစိာ်န့ၣ်အဖီခိၣ်လၢအဝဲအစုထွဲ တခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်နီၢ်အ့ၤစတၢ် 5:3

စီၤပၤသံကွၢ်အီၤ, “တၢ်မနုၤလဲၣ်နီၢ်ပၤမုၣ်အ့ၤစတၢ်ဧၢ, တဲဘၣ်ယၤတၢ်လၢနအဲၣ်ဒိးတက့ၢ်. ဒီးတၢ်န့ၣ်မ့မ့ၢ်ယဘီယမုၢ်တဝာ်ဒၣ်လဲာ်ယကဟ့ၣ်နၤန့ၣ်လီၤ.”

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 45:9

လၢပိာ်မုၣ်တဖၣ်လၢ အအိၣ်လၢနနီပူၤအကျါန့ၣ် စီၤပၤအဖိမုၣ်တဖၣ်အိၣ်ဝဲ ဒီးနီၢ်ပၤမုၣ်ဆၢထၢၣ်လၢနလီၢ်ပစိာ်စုထွဲတကပၤ, သိးဝဲတၢ်ကယၢကယဲတဖၣ်လၢ တၢ်မၤအီၤဒီး ထူအဂ့ၤကတၢၢ်န့ၣ်လီၤ.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မးသဲ 18:1

အကတီၢ်ဖဲန့ၣ်, အပျဲၢ်အဘီၣ်တဖၣ်ဟဲဆူယ့ၣ်ၡူးအအိၣ်ဒီးသံကွၢ်အီၤ, “ပှၤအဒိၣ်ကတၢၢ်လၢမူခိၣ်ဘီမုၢ်အပူၤန့ၣ်မ့ၢ်မတၤလဲၣ်.”

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 20:22

ဘၣ်ဆၣ်ယ့ၣ်ၡူးစံးဆၢအဝဲသ့ၣ်ဒီးစံး, “သုဃ့တၢ်မနုၤမနုၤ လဲၣ်န့ၣ်, သုတသ့ၣ်ညါဘၣ်. တၢ်နးတၢ်ဖှီၣ်အလီခီလၢယကဘၣ်အီန့ၣ်, မ့ၢ်သုအီကကဲကစီဒီဧါ.” အဝဲသ့ၣ်စံးဆၢအီၤ, “ကဲကစီဒီလီၤ.”

လံာ်မးသဲ 20:32

ယ့ၣ်ၡူးအိၣ်ကတီၢ်ဝဲ, ကိးဃီၤအဝဲသ့ၣ်ဒီးသံကွၢ်တၢ်ဒီးစံး, “သုအဲၣ်ဒိးယကမၤန့ၢ်တၢ်မနုၤလၢသုဂီၢ်လဲၣ်.”

လံာ်မၢ်ကူး 10:51

ယ့ၣ်ၡူးသံကွၢ်အီၤ, “နအဲၣ်ဒိးယကမၤတၢ်မနုၤတမံၤလၢနဂီၢ်လဲၣ်.” ပှၤမဲာ်တထံၣ်တၢ်တဂၤန့ၣ်စံးဆၢက့ၤအီၤ, “သရၣ်ဧၢ, ယအဲၣ်ဒိးထံၣ်ထီၣ်က့ၤတၢ်လီၤ.”

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

လံာ်မၢ်ကူး 6:22

နီၢ်ဟ့ၤရိၤဒံအဖိမုၣ်ဟဲနုာ်ဒီးဂဲၤကလံာ်ဝဲ, ဒီးတၢ်န့ၣ်မၤမုာ်စီၤပၤဟ့ၤရိာ်ဒီးအပှၤသမှံၤတဖၣ်အသးလီၤ. အန့ၣ်ဒီးစီၤပၤစံးဘၣ်ပိာ်မုၣ်သးစၢ်န့ၣ်, “ဖဲနအဲၣ်ဒိးတၢ်တမံၤလၢ်လၢ်န့ၣ်ဃ့တက့ၢ်, ဒီးယကဟ့ၣ်နၤလီၤ.”

လံာ်လူၤကၣ် 18:41

“နအဲၣ်ဒိးလၢယကမၤတၢ်မနုၤတမံၤလၢနဂီၢ်လဲၣ်.” “ကစၢ်ဧၢ,” အဝဲဒၣ်စံးဆၢဝဲ, “ယအဲၣ်ဒိးထံၣ်ထီၣ်က့ၤတၢ်လီၤ.”

လံာ်လူၤကၣ် 19:11

ဖဲပှၤဂီၢ်မုၢ်တဖၣ်ဒိကနၣ်တၢ်ကတိၤအဝဲအံၤန့ၣ်, ယ့ၣ်ၡူးကတိၤတၢ်, ဒီးစံးဘၣ်တဲဘၣ်အဝဲသ့ၣ်လၢတၢ်ကတိၤဒိတထံၣ်လီၤ. ဖဲဆၢ ကတီၢ်အဝဲအံၤန့ၣ်, အဝဲဒၣ်လဲၤဘူးအကတုၤဝ့ၢ်ယရူၤၡလ့ၣ်, ဒီးအဝဲသ့ၣ်ဆိကမိၣ်ဝဲလၢ ကစၢ်ယွၤအဘီအမုၢ်ကအိၣ်ဖျါထီၣ်ဝဲတကီၢ်ခါန့ၣ်လီၤ.

လံာ်လူၤကၣ် 22:24

တၢ်ဂ့ၢ်လိာ်ဘှီလိာ်အိၣ်ထီၣ်ဝဲလၢအပျဲၢ်အဘီၣ်သ့ၣ်တဖၣ် အကျါဘၣ်ဃးဒီးမတၤတဂၤကြၢးဘၣ်တၢ်ပာ်ကဲအီၤဒ် ပှၤအဒိၣ်ကတၢၢ်တဂၤလဲၣ်န့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

မၤတၢ် 1:6

တုၤပှၤတၢ်မၢဖိတဖၣ်ထံၣ်လိာ်သကိးအသးဒီး ယ့ၣ်ၡူးန့ၣ်အဝဲသ့ၣ်သံကွၢ်အီၤ, “ကစၢ်ဧၢ, ခဲကနံၣ်အံၤမ့ၢ်နကဟ့ၣ်က့ၤပှၤအံၣ်စရ့လးဖိလၢဘီမုၢ်န့ၣ်ဧါ.”

ရိမ့ၤ 12:10

အဲၣ်လိာ်သုသးတဂၤဒီးတဂၤတံၢ်တံၢ်နီၢ်နီၢ်ဒ်ဒီပုၢ်ဝဲၢ်တဖၣ် လၢခရံာ်အပူၤအသိး, ဒီးသးဆူၣ်ဒုးနဲၣ်တၢ်ယူးယီၣ်ပာ် ကဲလိာ်သးလၢတဂၤဒီးတဂၤအဂီၢ်န့ၣ်တက့ၢ်.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

ကလီးစဲ 3:1

သုဘၣ်တၢ်ဒုးဂဲၤဆၢထၢၣ်က့ၤသုလၢတၢ်သံဃုာ်ဒီးခရံာ်သတး ဒီး, သးအိၣ်ဆၢန့ၢ်ဘၣ်တၢ်ဘၣ်ဃးဒီးမူခိၣ်ဖဲခရံာ်ဆ့ၣ်နီၤဝဲလၢ ကစၢ်ယွၤအစုထွဲတခီန့ၣ်တက့ၢ်.