လံာ်မးသဲ 20:20 - Sgaw Karen Common Bible

²⁰ တုၤနုၤတစု, စီၤစ့းဘ့းဒဲအမါဟဲဒီးအဖိခွါခံဂၤဆူယ့ၣ်ၡူးအအိၣ်, တီၤလီၤကဒွံကျိာ်လၢအမဲာ်ညါ, ဒီးဃ့တၢ်တမံၤလၢအီၤလီၤ.

လံာ်မးသဲ 20:20 Iomraidhean Croise

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 14:33

ဒီးအပျဲၢ်အဘီၣ်လၢအအိၣ်လၢချံပူၤတဖၣ်ဘူၣ်ထီၣ်ဘါထီၣ်အီၤဒီး စံး, “နမ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 15:25

ဘၣ်ဆၣ်ပိာ်မုၣ်န့ၣ် ဟဲဒီးတီၤလီၤကဒွံကျိာ်လၢအမဲာ်ညါဒီး စံး, “ကစၢ်ဧၢ, မၤစၢၤယၤတက့ၢ်.”

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 27:56

ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မးသဲ 28:17

တုၤအဝဲသ့ၣ်ထံၣ်အီၤဒီး, အဝဲသ့ၣ်ဘူၣ်ထီၣ်ဘါထီၣ်အီၤ, ဘၣ်ဆၣ်ဒီးအဝဲသ့ၣ်တနီၤအသးဒ့ဒီဝဲလီၤ.

လံာ်မးသဲ 4:21

လဲၤကဒီးဆူညါဒီးယ့ၣ်ၡူးထံၣ်န့ၢ်ဝဲပှၤဒီပုၢ်ဝဲၢ်အဂၤခံဂၤ, စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် လီၤ. အဝဲသ့ၣ်အိၣ်လၢချံပူၤဃုာ်ဒီးအပၢ်ဒီးကတဲာ်ကတီၤဆးက့ၤ အစၤတဖၣ်လီၤ. ယ့ၣ်ၡူးကိးအဝဲသ့ၣ်,

လံာ်မးသဲ 8:2

တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.