လံာ်မးသဲ 20:2 - Sgaw Karen Common Bible

² အဝဲအၢၣ်လီၤပှၤမၤတၢ်ဖိတဖၣ်လၢအကဟ့ၣ်အဝဲသ့ၣ်လၢစ့ညၣ်တဘ့ၣ်, ဒီးဆှၢလီၤအဝဲသ့ၣ်ဆူအစပံးလီၢ်န့ၣ်လီၤ.

လံာ်မးသဲ 20:2 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်မးသဲ 18:28

တုၤတၢ်အခ့အပှၤအဝဲန့ၣ်ဟးထီၣ်ကွံာ်, ဒီးထံၣ်န့ၢ်တၢ်အခ့အပှၤသကိးဒီးအီၤလၢအကမၢ်အိၣ်ဝဲဒီးအီၤ စ့ဒန့ၤရံတကယၤတဂၤဒီး, စှီၤဃာ်အကိာ်ဒီးစံးဘၣ်အီၤ, ‘နကမၢ်လၢအအိၣ်ဒီးယၤန့ၣ်လိးက့ၤတက့ၢ်.’

လံာ်မးသဲ 20:1

မူခိၣ်အဘီအမုၢ်န့ၣ်မၤအသးဒ်အံၤလီၤ. တဘျီပှၤအိၣ်ဝဲတဂၤလၢအဟးထီၣ်လၢအဟံၣ်ဂီၤဂီၤ, ဒ်သိးကဒိးလဲန့ၢ်ပှၤမၤတၢ်ဖိလၢအကဟဲမၤတၢ်လၢအစပံးလီၢ် အပူၤန့ၣ်လီၤ.

လံာ်မးသဲ 20:13

ဘၣ်ဆၣ်, စပံးလီၢ်အကစၢ်စံးဆၢပှၤလၢအဝဲသ့ၣ်အကျါတဂၤဒီးစံး, ‘တံၤသကိးဧၢ, ယတလီအီၣ်နၤဘၣ်. နအၢၣ်လီၤတ့ၢ်ယၤလၢနကမၤတၢ်လၢတနံၤအဘူး အလဲလၢစ့ညၣ်တဘ့ၣ်အဂီၢ်, တမ့ၢ်ဘၣ်ဧါ.

လံာ်မးသဲ 20:3

ဖဲခွံနၣ်ရံၣ်ဃၣ်ဃၣ်န့ၣ်, အဝဲဟးထီၣ်ကဒီးတဘျီ, ဒီးထံၣ်ဘၣ်ပှၤတနီၤဆၢထၢၣ်အိၣ်ကလီကလီလၢဖၠါပူၤလီၤ.

လံာ်မးသဲ 20:9

ပှၤလၢအဟဲစးထီၣ်မၤတၢ်လၢဟါယဲၢ်နၣ်ရံၣ်တဖၣ်, တဂၤဒိးန့ၢ်ဘၣ်စ့ညၣ်တဘ့ၣ်စုာ်စုာ်လီၤ.

လံာ်မးသဲ 22:19

ဒုးနဲၣ်ယၤလၢစ့တဘ့ၣ်လၢတၢ်ကဟ့ၣ်တၢ်အခိအသွဲအဂီၢ်တက့ၢ်.” ဒီးအဝဲသ့ၣ်ဟ့ၣ်အီၤလၢစ့တဘ့ၣ်လီၤ.

လံာ်မးသဲ 9:37

လၢတၢ်န့ၣ်အဃိအဝဲစံးဘၣ်အပျဲၢ်အဘီၣ်တဖၣ်, “ကူးဘုအလီၢ်အိၣ်အါမးလီၤ. ဘၣ်ဆၣ်ပှၤမၤတၢ်ဖိလၢအကထၢဖှိၣ်က့ၤတၢ်အိၣ်စှၤဂၤလီၤ.

လံာ်မၢ်ကူး 12:15

ဘၣ်ဆၣ်ဒီးယ့ၣ်ၡူးသ့ၣ်ညါန့ၢ်အတၢ်ပာ်မၤအသးသတးဒီးစံးဆၢ အဝဲသ့ၣ်, “ဘၣ်မနုၤသုဘၣ်သံကွၢ်သံဒိးယၤဒ်သိးသုကဖီၣ်န့ၢ်ယၤလၢ ယတၢ်ကတိၤဒၣ်ယဲန့ၣ်လဲၣ်. ဟဲစိာ်န့ၢ်ယၤစ့ဒန့ၤရံတဘ့ၣ်ဒီးပျဲယကွၢ်အီၤတက့ၢ်.”

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 10:35

မုၢ်ဆ့ၣ်ထီၣ်တနံၤန့ၣ်, အဝဲဒၣ်ထုးထီၣ်စ့ဒန့ၤရံခံဘ့ၣ်, ဒီးဟ့ၣ်ဝဲဘျီၣ်ခိၣ်, ဒီးစံးဘၣ်အီၤ, ‘အံးထွဲကွၢ်ထွဲအီၤတက့ၢ်. ဒီးဖဲယဟဲက့ၤန့ၣ်, ယကဟ့ၣ်ကဒါက့ၤနၤကယဲၢ်တၢ်လၢနဘၣ်လၢာ်အါထီၣ်နဲလၢ အဝဲဒၣ်အဂီၢ်န့ၣ်လီၤ.’ ”

လံာ်လူၤကၣ် 20:24

“ဒုးနဲၣ်ယၤစ့အဘ့ၣ်တဘ့ၣ်န့ၣ်တက့ၢ်. လၢအမဲာ်သၣ်လိၤန့ၣ်မတၤအခိၣ်အဂီၤဒီးအမံၤအိၣ်လဲၣ်.” အဝဲသ့ၣ်စံးဆၢဝဲ, “ကဲစၢ်အခိၣ်အဂီၤဒီးအမံၤအိၣ်လီၤ.”

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

လံာ်လီၣ်ဖျါ 6:6

ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:26

ဖိသၣ်စီၤၡမူၤအ့လးဒိၣ်ထီၣ်ဆူညါဒီးဒိးန့ၢ် တၢ်ဘၣ်သူၣ်ဘၣ်သးလၢယွၤဒီးပှၤကညီတဖၣ်အမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:21

ယွၤလီၣ်ဖျါထီၣ်ဒံးအသးဆူညါလၢဝ့ၢ်ၡံလိၤအပူၤတၢ်လီၢ်ဖဲ အလီၣ်ဖျါထီၣ်တ့ၢ်အသးဆူစီၤၡမူၤအ့လးဒီးကတိၤတ့ၢ်တၢ်ဒီး အီၤအလီၢ်န့ၣ်လီၤ. ဒီးဖဲစီၤၡမူၤအ့လးကတိၤတၢ်န့ၣ်အံၣ်စရ့လးဒီကီၢ် ဒိကနၣ်အီၤလီၤ.