လံာ်မးသဲ 20:19 - Sgaw Karen Common Bible

¹⁹ ဒီးကဟ့ၣ်လီၤအီၤဆူပှၤကလုာ်ဂၤတဖၣ်အစုပူၤ, ဒ်သိးကဘၣ်တၢ်ဒုၣ်ဒွဲၣ်အီၤ, တၢ်တီၢ်အီၤ, ဒီးပျၤထီအီၤလၢထူၣ်စုညါအလိၤ, ဒီးသၢသီတသီန့ၣ်ကဘၣ်တၢ်မၤမူထီၣ်က့ၤအီၤလၢယွၤလီၤ.”

လံာ်မးသဲ 20:19 Iomraidhean Croise

လံာ်စီၤယိၤဘး 30:8

အဝဲသ့ၣ်မ့ၢ်ပှၤဟးဂီၤဖိအဖိ, ပှၤလၢအမံၤတအိၣ်ဘၣ်အဖိဒီး မ့ၢ်ပှၤလၢအဘၣ်တၢ်ဟီထီၣ်ကွံာ်အီၤလၢကီၢ်ပူၤန့ၣ်လီၤ.

စံးထီၣ်ပတြၢၤ 35:16

လၢတၢ်တယူးယီၣ်ပာ်ကဲဘၣ်တၢ်အပူၤ အဝဲသ့ၣ်မၤတရီတပါယၤအါထီၣ်ဒီး အ့ၣ်စဃံးအမဲလၢယၤလီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်ဟိၤၡ့ 6:2

လၢခံနံၤမ့ၢ်ဂ့ၤ, သၢနံၤမ့ၢ်ဂ့ၤ, အဝဲကမၤမူထီၣ်က့ၤပှၤဒီး ပကအိၣ်ဆိးလၢအဝဲအမဲာ်ညါန့ၣ်လီၤ.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 17:23

ဒီးအဝဲသ့ၣ်ကမၤသံအီၤ, ဒီးလၢသၢနံၤတနံၤန့ၣ်, ကဘၣ်တၢ်ဒုးဂဲၤဆၢထၢၣ်က့ၤအီၤလီၤ.” အပျဲၢ်အဘီၣ်တဖၣ်အသးအုးဒိၣ်မးလီၤ.

လံာ်မးသဲ 27:26

တုၤနုၤတစု, စီၤပံၤလးပျၢ်ပူၤဖျဲးန့ၢ်အဝဲသ့ၣ်လၢစီၤဘၤရးဘါဒီးမၢပှၤဖျ့ ယ့ၣ်ၡူးဝံၤအလီၢ်ခံ, ဟ့ၣ်လီၤကွံာ်အီၤဒ်သိးအကဘၣ်တၢ်ပျၤထီအီၤလၢထူၣ်စုညါအလိၤ အဂီၢ်န့ၣ်လီၤ.

လံာ်မးသဲ 27:63

ဒီးစံး, “တၢ်ဒိၣ်ဧၢ, ပသ့ၣ်နီၣ်ထီၣ်လၢပှၤလီတၢ်ဖိတဂၤန့ၣ်, ဖဲအမူဒံးအခါစံးတ့ၢ်ဝဲ, ‘သၢသီတသီန့ၣ်ယကဂဲၤဆၢထၢၣ်သမူထီၣ်က့ၤလီၤ.’

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်မၢ်ကူး 15:15

စီၤပံၤလးသးအိၣ်လူၤဘၣ်ပှၤဂီၢ်မုၢ်အသးအဃိ, ပျၢ်ပူၤဖျဲးကွံာ်ဝဲစီၤဘၤရးဘါလၢအဝဲသ့ၣ်အဂီၢ်လီၤ. အန့ၣ်ဝံၤမၢပှၤဖျ့ယ့ၣ်ၡူးဆါဆါကလဲာ်, ဒီးဟ့ၣ်လီၤကွံာ်အီၤဆူပှၤသုးဖိတဖၣ်အစုပူၤလၢတၢ်ကပျၤ ထီအီၤလၢထူၣ်စုညါအလိၤအဂီၢ်န့ၣ်လီၤ.

လံာ်လူၤကၣ် 18:32

အဝဲဒၣ်ကဘၣ်တၢ်ဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤ, လၢအကဒုၣ်ဒွဲၣ်နံၤဘၣ်ဖၣ်လဲအီၤဒီးထူးပှဲာ်အီၤအဂီၢ်န့ၣ်လီၤ.

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 24:46

ဒီးစံးဘၣ်အဝဲသ့ၣ်, “တၢ်ကွဲးအသးမ့ၢ်ဝဲ, ခရံာ်ကဘၣ်တူၢ်တၢ်ဒီးဂဲၤဆၢထၢၣ်က့ၤလၢတၢ်သံဖဲသၢသီ တသီအနံၤ,

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.