လံာ်မးသဲ 20:16 - Sgaw Karen Common Bible

¹⁶ ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

လံာ်မးသဲ 20:16 Iomraidhean Croise

လံာ်မးသဲ 19:30

ဘၣ်ဆၣ်ဒီး, ပှၤအိၣ်ဝဲလၢညါကတၢၢ်ခဲအံၤအါဂၤ, ကအိၣ်က့ၤလၢခံကတၢၢ်, ဒီးပှၤအိၣ်လၢခံကတၢၢ်ခဲအံၤအါဂၤ, ကအိၣ်က့ၤလၢညါကတၢၢ်လီၤ.

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 22:14

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံးဝဲ, “ပှၤအါဂၤဘၣ်တၢ်ကွဲမုာ်အီၤ, ဘၣ်ဆၣ်ပှၤစှၤဂၤဘၣ်တၢ်ဃုထၢထီၣ်အီၤလီၤ.”

လံာ်မးသဲ 7:13

လဲၤနုာ်သုဝဲခီဖျိကျဲစၢၤလၢအအံၣ်တက့ၢ်. အဂ့ၢ်ဒ်အံၤ, ကျဲစၢၤလၢအအိးထီၣ်အသးဆူ တၢ်ဟးဂူာ်ဟးဂီၤန့ၣ်လဲၢ်ဝဲ, ဒီးကျဲလၢအဆှၢပှၤဆူတၢ်ဟးဂူာ်ဟးဂီၤန့ၣ်မ့ၢ်ကျဲလၢအညီ ဒီးပှၤလၢအပိာ်အီၤအိၣ်ဝဲအါဒံအါဂၤန့ၣ်လီၤ.

လံာ်မၢ်ကူး 10:31

မ့မ့ၢ်ပှၤအါဂၤလၢအအိၣ်ဝဲလၢတၢ်မဲာ်ညါခဲအံၤန့ၣ်, ကအိၣ်က့ၤလၢတၢ်လီၢ်ခံ, ဒီးပှၤအါဂၤလၢအအိၣ်လၢတၢ်လီၢ်ခံခဲအံၤန့ၣ်, ကအိၣ်က့ၤဝဲလၢတၢ်မဲာ်ညါလီၤ.”

လံာ်လူၤကၣ် 14:24

ယစံးဘၣ်တဲဘၣ်သု, ပှၤလၢအဘၣ်တၢ်ကွဲအီၤတဖၣ်တလ့ၣ်ကွၢ်ဘၣ်ယဟါ အတၢ်အီၣ်နီတဂၤဘၣ်.’ ”

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်လူၤကၣ် 7:47

လၢတၢ်န့ၣ်အဃိယစံးဘၣ်နၤ, တၢ်အဲၣ်အဒိၣ်အအါလၢအဝဲဒၣ်ပာ်ဖျါတ့ၢ်ဝဲအံၤ, ဟ့ၣ်တၢ်အုၣ်အသးလၢအဝဲအတၢ်ဒဲးဘးအဒိၣ်အမုၢ်တဖၣ် ဘၣ်တၢ်ပျၢ်ကွံာ်အီၤလံန့ၣ်လီၤ. မ့မ့ၢ်ပှၤလၢအတၢ်ဒဲးဘး ဘၣ်တၢ်ပျၢ်ကွံာ်ဒၣ်အီၤထဲတစဲးဖိတဂၤန့ၣ်, ပာ်ဖျါဒၣ်တၢ်အဲၣ်တစဲးဧိၤလီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ရိမ့ၤ 9:30

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤကလုာ်ဂၤတဖၣ်လၢအတကျဲးစၢးမၤလိၤမၤဘၣ်အသးဒီး ကစၢ်ယွၤန့ၣ်, ဘၣ်တၢ်ပာ်တီပာ်လိၤအီၤခီဖျိတၢ်နာ်န့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.