လံာ်မးသဲ 20:15 - Sgaw Karen Common Bible

¹⁵ မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

လံာ်မးသဲ 20:15 Iomraidhean Croise

လံာ်တၢ်ဟးထီၣ်ကွံာ် 33:19

ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

တၢ်ကတိၤဒိ. 23:6

အီၣ်တၢ်လၢပှၤအပံာ်အကီအစီၢ်နီၤခိၣ်မ့ၢ်ဂ့ၤ, သးကွံအတၢ်အီၣ်ဝံၣ်အီဆၢလၢအပာ်လီၤဝဲမ့ၢ်ဂ့ၤန့ၣ်တဂ့ၤ.

တၢ်ကတိၤဒိ. 28:22

ပှၤလၢအအဲၣ်လီၤအသးတဖၣ်န့ၣ်မၤဝဲချ့ချ့ဒ်န့ၣ်သိး လၢအကထူးထီၣ်တီၤထီၣ်အဂီၢ်ဒီးတၢ်ဖှီၣ်တၢ်ယာ်ကလီၤဘၣ် အဝဲသ့ၣ်အခါဖဲလဲၣ်တသ့ၣ်ညါဝဲဘၣ်.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 20:14

ဟံးန့ၢ်တၢ်လၢအဘၣ်ဃးဒီးနၤ, ဒီးက့ၤတက့ၢ်. ယသးအိၣ်ဟ့ၣ်ပှၤလၢအဘၣ်တၢ်မၢလဲအီၤလၢခံ ကတၢၢ်တဂၤ, ဒ်ယဟ့ၣ်နၤအသိးလီၤ.

လံာ်မးသဲ 6:23

ဘၣ်ဆၣ်ဒီးသုမဲာ်ချံမ့ၢ်ယုာ်ဒီးသုနီၢ်ဒီဂၤညါကပှဲၤဒီး တၢ်ခံးတၢ်နၤလီၤ. တၢ်ကပီၤလၢအအိၣ်လၢသုပူၤမ့မ့ၢ်တၢ်ခံးတၢ်နၤဒီး, တၢ်ခံးတၢ်နၤန့ၣ် ကနးဝဲဆံးဒိၣ်လဲၣ်.

လံာ်မၢ်ကူး 7:22

တၢ်အဲၣ်ဘၢမါအဲၣ်ဘၢဝၤ, တၢ်မၤတၢ်သူၣ်လီသးကွံတၢ်, တၢ်အၢတၢ်သီကိးကလုာ်ဒဲး, တၢ်လီတၢ်ဝ့ၤ, တၢ်တဃံတလၤ, တၢ်သးကါ, တၢ်ဒုၣ်ဒွဲၣ်စံးအၢ, တၢ်ပာ်ထီၣ်ထီသး, ဒီးတၢ်သူၣ်တဆးသးတဆးတဖၣ်လီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

1 ကရံၣ်သူး 4:7

မ့ၢ်မတၤတဂၤဒုးလီၤဆီနၤဒီးပှၤအဂၤတဖၣ်လဲၣ်. တၢ်ခဲလၢာ်ခဲဆ့လၢအအိၣ်ဒီးသုန့ၣ်ကစၢ်ယွၤဟ့ၣ်သုတမ့ၢ်ဘၣ်ဧါ. မ့မ့ၢ်ဒ်န့ၣ်ဒီး, သုကတိၤပာ်ကဖၢလၢသုသးဒ်တၢ်အိၣ်ဒီး သုတမ့ၢ်တၢ်ဟ့ၣ်န့ၣ်ကသ့ဝဲလၢကျဲဒ်လဲၣ်.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:54

ပှၤအိၣ်ဖျဲၣ်လၢတူၢ်ဒိၣ်ကီၤဒိၣ်, ပှၤပိာ်ခွါလၢအလုၢ်ဂ့ၤလၢ်ဝါ ကတၢၢ်တဂၤဒၣ်လဲာ်, ကဘၣ်ကီဘၣ်ခဲနးမးလၢတၢ်မုၢ်လၢ်လၢာ်ကွံာ်လၢတၢ်အီၣ်အဃိဖဲတၢ် ကဝီၤဃာ်ဝ့ၢ်အဆၢကတီၢ်အံၤတုၤအဝဲကအီၣ်ကွံာ်အဖိဒၣ်ဝဲတဖၣ် အကျါတနီၤ, မ့ၢ်လၢအဝဲတအိၣ်ဒီးတၢ်အီၣ်အဂ့ၤနီတမံၤဘၣ်အဃိန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.