လံာ်မးသဲ 20:13 - Sgaw Karen Common Bible

¹³ ဘၣ်ဆၣ်, စပံးလီၢ်အကစၢ်စံးဆၢပှၤလၢအဝဲသ့ၣ်အကျါတဂၤဒီးစံး, ‘တံၤသကိးဧၢ, ယတလီအီၣ်နၤဘၣ်. နအၢၣ်လီၤတ့ၢ်ယၤလၢနကမၤတၢ်လၢတနံၤအဘူး အလဲလၢစ့ညၣ်တဘ့ၣ်အဂီၢ်, တမ့ၢ်ဘၣ်ဧါ.

လံာ်မးသဲ 20:13 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤယိၤဘး 40:8

နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.

လံာ်မးသဲ 20:14

ဟံးန့ၢ်တၢ်လၢအဘၣ်ဃးဒီးနၤ, ဒီးက့ၤတက့ၢ်. ယသးအိၣ်ဟ့ၣ်ပှၤလၢအဘၣ်တၢ်မၢလဲအီၤလၢခံ ကတၢၢ်တဂၤ, ဒ်ယဟ့ၣ်နၤအသိးလီၤ.

လံာ်မးသဲ 20:2

အဝဲအၢၣ်လီၤပှၤမၤတၢ်ဖိတဖၣ်လၢအကဟ့ၣ်အဝဲသ့ၣ်လၢစ့ညၣ်တဘ့ၣ်, ဒီးဆှၢလီၤအဝဲသ့ၣ်ဆူအစပံးလီၢ်န့ၣ်လီၤ.

လံာ်မးသဲ 22:12

ဒီးစီၤပၤစံးဘၣ်အီၤ, ‘တံၤသကိးဧၢ, နတကူသိးမူးအကူအသိးဘၣ်ဒီး, နဟဲနုာ်သ့ဒ်လဲၣ်.’ ဒီးအဝဲတစံးဆၢတၢ်နီတမံၤဘၣ်.

လံာ်မးသဲ 26:50

ယ့ၣ်ၡူးစံးဆၢအီၤ, “တံၤသကိးဧၢ, တၢ်လၢနကမၤန့ၣ်မၤအီၤချ့ချ့ တက့ၢ်.” တုၤနုၤတစု, ပှၤသ့ၣ်တဖၣ်န့ၣ်ဟဲဆူယ့ၣ်ၡူးအအိၣ်, ဖီၣ်န့ၢ်အီၤဒီးဟံးဃာ်အီၤကျၢၤကျၢၤလီၤ.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.