လံာ်မးသဲ 2:9 - Sgaw Karen Common Bible

⁹ တုၤအဝဲသ့ၣ်နၢ်ဟူစီၤပၤအတၢ်စံးတၢ်ကတိၤဝံၤဒီး ဟးထီၣ်ဝဲဒီးဖဲအလဲၤတၢ်လၢကျဲအခါ, ဆၣ်လၢအထံၣ်တ့ၢ်ဝဲလၢမုၢ်ထီၣ်တဖျၢၣ်န့ၣ်ဟဲဖျါထီၣ်ကဒီးလီၤ.

လံာ်မးသဲ 2:9 Iomraidhean Croise

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်မးသဲ 2:10

တုၤအဝဲသ့ၣ်ထံၣ်ဘၣ်ဆၣ်တဖျၢၣ်န့ၣ်ဒီးအသူၣ်ခုအသးခုဒိၣ်ဒိၣ် ကလဲာ်လီၤ. ဆၣ်အံၤလဲၤတၢ်လၢအဝဲသ့ၣ်အမဲာ်ညါတုၤ အအိၣ်ကတီၢ်ဖဲအလီၢ်လၢဖိသၣ်အိၣ်ဝဲအဖီခိၣ်န့ၣ်လီၤ.

လံာ်မးသဲ 2:2

“ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 2:8

အဝဲမၢလီၤပှၤကူၣ်ဘၣ်ကူၣ်သ့တဖၣ်အံၤဆူဝ့ၢ်ဘ့ၤသလ့ ဃ့ၣ်ဒီးစံးဘၣ်အဝဲသ့ၣ်, “လဲၤဒီးကွၢ်ဃုဖိသၣ်န့ၣ်လီၤ တံၢ်လီၤဆဲးဒီးတုၤသုထံၣ်န့ၢ်အီၤဒီးဟဲက့ၤတဲဘၣ်ယၤဒ်သိး ယဲစ့ၢ်ကီးယကလဲၤဘူၣ်ထီၣ်ဘါထီၣ်ဘၣ်အီၤအဂီၢ်တက့ၢ်.”

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.