လံာ်မးသဲ 2:7 - Sgaw Karen Common Bible

⁷ အန့ၣ်တစု စီၤပၤဟ့ၤရိာ်ကိးဃီၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ် တဖၣ်ဆူတၢ်လီၢ်သဒၢဖဲပှၤတအိၣ်ဘၣ်နီတဂၤအလီၢ်, ဒီးသံကွၢ်အဝဲသ့ၣ်ဘၣ်ဃးဒီးဆၣ်န့ၣ်ဟဲအိၣ်ဖျါထီၣ်အမုၢ်နံၤ မုၢ်သီအဆၢကတီၢ်လီၤတံၢ်လီၤဆဲးလီၤ.

လံာ်မးသဲ 2:7 Iomraidhean Croise

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

လံာ်တၢ်ဟးထီၣ်ကွံာ် 1:10

ဒီးတၢ်ဒုးတၢ်ယၤမ့ၢ်အိၣ်ထီၣ်ဘၣ်ဖုးန့ၣ်, အဝဲသ့ၣ်ကပာ်ဖှိၣ် အသးဒီးပဒုၣ်ပဒါတဖၣ်ဒ်သိးကဒုးတၢ်ဒီးပှၤ, ဒီးဃ့ၢ်ပူၤဖျဲး ကွံာ်လၢထံကီၢ်အပူၤလီၤ. ပကဘၣ်ဃုကျဲလၢတၢ်တြီဆၢပှၤအံၣ်စရ့လးဖိတဖၣ် အါထီၣ်ဂီၢ်ထီၣ်အဂ့ၢ်န့ၣ်လီၤ.”

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်မးသဲ 2:8

အဝဲမၢလီၤပှၤကူၣ်ဘၣ်ကူၣ်သ့တဖၣ်အံၤဆူဝ့ၢ်ဘ့ၤသလ့ ဃ့ၣ်ဒီးစံးဘၣ်အဝဲသ့ၣ်, “လဲၤဒီးကွၢ်ဃုဖိသၣ်န့ၣ်လီၤ တံၢ်လီၤဆဲးဒီးတုၤသုထံၣ်န့ၢ်အီၤဒီးဟဲက့ၤတဲဘၣ်ယၤဒ်သိး ယဲစ့ၢ်ကီးယကလဲၤဘူၣ်ထီၣ်ဘါထီၣ်ဘၣ်အီၤအဂီၢ်တက့ၢ်.”

မၤတၢ် 24:22

တုၤနုၤတစုစီၤဖ့လံးလၢအသ့ၣ်ညါတ့ၢ်ကစၢ်အကျဲအဂ့ၢ် ဂ့ၤဂ့ၤတဂၤန့ၣ်, ဆိကတီၢ်ကွံာ်တၢ်သမံသမိးတၢ်ဒီးစံးဝဲ, “ယကစံၣ်ညီၣ်သုတၢ်ဂ့ၢ်တၢ်ကျိၤတမံၤအံၤဖဲပှၤသုးဖိ တကထိအခိၣ်စီၤလူၤစံဟဲတုၤဝဲန့ၣ်လီၤ.”

လံာ်လီၣ်ဖျါ 12:15

တုၤနုၤတစု, ပယိၤဒုးဟးထီၣ်ထံဒိၣ်ခိၣ်ယွၤလၢအကိာ်ပူၤလၢ အယွၤလီၤဒီးလူၤထွဲပိာ်မုၣ်အခံဒ်သိးအကစိာ်ကွံာ်အီၤအဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”