လံာ်မးသဲ 2:4 - Sgaw Karen Common Bible

⁴ စီၤပၤဟ့ၤရိာ်ကိးဖှိၣ်ပှၤလုၢ်တၢ်အခိၣ်အဒိၣ်တဖၣ်ခဲလၢာ်ဝံၤ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးသံကွၢ်သံဒိးအဝဲသ့ၣ်ဘၣ်ဃးခရံာ်အတၢ်ကဟဲအိၣ်ဖျဲၣ်ထီၣ် အလီၢ်အကျဲန့ၣ်လီၤ.

လံာ်မးသဲ 2:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 34:13

ပှၤလ့ၤဝံဖိအဂၤတဖၣ်မ့ၢ်ပှၤအခိၣ်လၢတၢ်ဆှၢထီၣ်ဆှၢလီၤတၢ် ပီးတၢ်လီတဖၣ်, ဒီးတၢ်ကွၢ်ထွဲပၢဆှၢပှၤမၤတၢ်ဖိတဖၣ်လၢတၢ်မၤအကလုာ်ကလုာ် အဂီၢ်ဒီးတနီၤပၢၤဃးတၢ်ကွဲးနီၣ်ကွဲးဃါတဖၣ်ဒီးမၤတၢ်ဒ်ပှၤ ပၢၤတၢ်တဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:15

အဝဲစံးဘၣ်စီၤၡၤဖၣ်, “ယထံၣ်န့ၢ်ယူဒၤအတၢ်သိၣ်တၢ်သီအလံာ်လၢယွၤ အတၢ်လုၢ်ဟံၣ်အပူၤန့ၣ်လီၤ.” အဝဲဟ့ၣ်ဃီၤစီၤၡၤဖၣ်လၢလံာ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်စီၤဧ့စြၤ 10:5

လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 12:7

စီၤစးလူၤ, စီၤဧၤမိး, စီၤဃံလကံယၤဒီးစီၤယဒံယၤတဖၣ်န့ၣ်လီၤ. ပှၤတဖၣ်အံၤမ့ၢ်ခိၣ်နၢ်တဖၣ်လၢကယဲၢ်အပှၤလုၢ်တၢ်အခိၣ်ကဒဲ ကဒဲအကျါလၢစီၤယိၤၡူအမုၢ်နံၤတဖၣ်န့ၣ်လီၤ.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 2:3

တုၤစီၤပၤဟ့ၤရိာ်နၢ်ဟူတၢ်အံၤဒီးအသးကိၢ်ထီၣ်ဂီၤထီၣ်ဒိၣ် မးလီၤ. ပှၤခဲလၢာ်လၢအအိၣ်လၢဝ့ၢ်ယရူၤၡလ့ၣ်အပူၤစ့ၢ်ကီး အသးကိၢ်ဃုာ်ဒီးအီၤလီၤ.

လံာ်မးသဲ 2:5

အဝဲသ့ၣ်စံးဆၢအီၤ, “လၢဝ့ၢ်ဘ့ၤသလ့ဃ့ၣ်ဘၣ်ဃးဒီးကီၢ်ယူဒၤလီၤ. အဂ့ၢ်ဒ်အံၤဝံတဂၤကွဲးတ့ၢ်တၢ်ဒီးစံး,

လံာ်မးသဲ 21:15

ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, အသးဒိၣ်ထီၣ်ဝဲဖဲအထံၣ်တၢ်လီၤလးတဖၣ်လၢအဝဲဒၣ်မၤဝဲ, ဒီးနၢ်ဟူဖိဒံဖိသၣ်တဖၣ်ကိးပသူထီၣ်လၢတၢ်လုၢ်ဟံၣ်အပူၤဒီး စံး, “တၢ်စံးထီၣ်ပတြၢၤမ်အဘၣ်စီၤဒၤဝံးအဖိခွါတက့ၢ်” အခါန့ၣ်လီၤ.

လံာ်မးသဲ 21:23

ယ့ၣ်ၡူးက့ၤကဒါက့ၤဆူတၢ်လုၢ်ဟံၣ်အပူၤ, ဒီးဖဲအဝဲသိၣ်လီၤသီလီၤတၢ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ် ဟဲဆူအအိၣ်ဒီးသံကွၢ်အီၤ, “လၢနကမၤတၢ်တဖၣ်အံၤအဂီၢ်န့ၣ်, နန့ၢ်ဘၣ်တၢ်စိတၢ်ကမီၤဖဲလဲၣ်. မတၤတဂၤဟ့ၣ်စိဟ့ၣ်ကမီၤနၤလဲၣ်.”

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 26:47

ယ့ၣ်ၡူးကတိၤဒံးတၢ်အဖၢမုၢ်ဒီး, အပျဲၢ်အဘီၣ်တဆံခံဂၤအကျါတဂၤ လၢအမ့ၢ်စီၤယူဒၤဟဲတုၤဝဲ အိၣ်ဃုာ်ဒီးပှၤဂီၢ်မုၢ်ဖးဒိၣ်လၢအစိာ်ဒီးနးဒီးနီၣ်တီၢ်တဖၣ်, လၢအဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လီၤ.

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်မးသဲ 7:29

အဝဲတလီၤဂာ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဘၣ်. မ့မ့ၢ်အဝဲသိၣ်လီၤသီလီၤတၢ်အိၣ်ဒီးအစိအကမီၤလီၤ.

လံာ်မၢ်ကူး 8:31

အန့ၣ်ဝံၤယ့ၣ်ၡူးသိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤကဘၣ်တူၢ်တၢ်နးတၢ်ဖှီၣ်အကလုာ်ကလုာ် ဒီးပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ကညိကွံာ်အီၤလီၤ. ကဘၣ်တၢ်မၤသံအီၤဘၣ်ဆၣ်ဒီးသၢသီတသီန့ၣ်ကဂဲၤ ဆၢထၢၣ်က့ၤလၢတၢ်သံလီၤ.”

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်လူၤကၣ် 23:10

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဟဲထီၣ်ဆူတၢ်မဲာ်ညါဒီးပာ်တၢ်ကမၣ်ထီဒါ ယ့ၣ်ၡူးဆူၣ်ဆူၣ်ကလဲာ်လီၤ.

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

လံာ်ယိၤဟၣ် 3:10

ယ့ၣ်ၡူးစံးဆၢအီၤ, “နမ့ၢ်သရၣ်ဖးဒိၣ်တဂၤလၢပှၤအံၣ်စရ့လးဖိ အကျါဒီးနတသ့ၣ်ညါတၢ်အံၤဘၣ်ဧါ.

လံာ်ယိၤဟၣ် 7:32

ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 8:3

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤဖၤရံၤၡဲတဖၣ်ဟဲဆှၢနုာ်ပိာ်မုၣ်တဂၤလၢ အဘၣ်တၢ်ဖီၣ်န့ၢ်အီၤဖဲအအဲၣ်ဘၢတၢ်အဖၢမုၢ်, ဒီးအဝဲသ့ၣ်မၢပိာ်မုၣ်တဂၤအံၤဆၢထၢၣ်လၢပှၤ ခဲလၢာ်အမဲာ်ညါလီၤ.

မၤတၢ် 23:9

တၢ်ကိးပသူကိးပသီသီၣ်ဒိၣ်ထီၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတနီၤလၢအဘၣ်ထွဲဒီးပှၤဖၤရံၤၡဲအကရူၢ် တဖၣ်ဂဲၤဆၢထၢၣ်, ဒီးကတိၤထီဒါတၢ်ဆူၣ်ဆူၣ်ကလဲာ်ဒီးစံးဝဲ, “ပတထံၣ်ပှၤတဂၤအံၤမၤကမၣ်တၢ်နီတမံၤဘၣ်. ဘၣ်တဘၣ်သး, မ့တမ့ၢ်မူခိၣ်ကလူး, ကတိၤတၢ်ဒီးအီၤနီၢ်နီၢ်လီၤ.”

မၤတၢ် 4:5

လၢမုၢ်ဆ့ၣ်ထီၣ်တနံၤန့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤသူၣ်က့သးပှၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အိၣ်ဖှိၣ်သကိးလၢဝ့ၢ်ယရူၤၡလ့ၣ်အပူၤန့ၣ်လီၤ.

မၤတၢ် 6:12

အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.