လံာ်မးသဲ 2:23 - Sgaw Karen Common Bible

²³ ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်မးသဲ 2:23 Iomraidhean Croise

လံာ်တၢ်ဂံၢ် 6:13

ဖဲပှၤနစၤရံဖိတဂၤမၤလၢပှဲၤအတၢ်ဆိၣ်လီၤအသးဝံၤန့ၣ်, အဝဲကဘၣ်မၤတၢ်ဘူၣ်တၢ်ဘါအလုၢ်အလၢ်အံၤလီၤ. အဝဲကဘၣ်လဲၤဆူဒဲစီဆှံအကျဲစၢၤ,

လံာ်မးသဲ 1:22

တၢ်မၤအသးခဲလၢာ်အံၤမ့ၢ်ဒ်သိးတၢ်ကတိၤတဖၣ်လၢ ကစၢ်စံးတ့ၢ်ဝဲခီဖျိဝံတဂၤန့ၣ်, ကလၢထီၣ်ပှဲၤထီၣ်ဝဲအဂီၢ်လီၤ.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 26:71

ဝံၤဒီး, အဝဲဟးထီၣ်ဒီးလဲၤထီၣ်ဝဲဆူတၢ်လီၢ်လီၤပျီအံၤအကျဲစၢၤ လီၤ. ကုၢ်ပိာ်မုၣ်ဖိအဂၤတဂၤထံၣ်အီၤဒီးစံးဘၣ်ပှၤပိာ်ခွါတဖၣ်လၢ အအိၣ်ဖဲန့ၣ်ဒ်အံၤ, “အဝဲအိၣ်သကိးတ့ၢ်ဒီးပှၤနစၤရ့းဖိယ့ၣ်ၡူးလီၤ.”

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်မၢ်ကူး 1:9

တၢ်န့ၣ်ဝံၤအလီၢ်ခံတယံာ်တမီၢ်ဘၣ်န့ၣ်, ယ့ၣ်ၡူးဟဲဝဲလၢဝ့ၢ်နစၤရ့းဘၣ်ဃးဒီးကီၢ်ကၤလံၤလါဒီးဒိး ဘျၢအသးလၢစီၤယိၤဟၣ်အစုပူၤလၢထံကျိယၢ်ဒ့ၣ်အပူၤန့ၣ်လီၤ.

လံာ်လူၤကၣ် 1:26

ဖဲနီၢ်အ့းလံၤစါဘ့းအိၣ်ဒီးအဟုးအသးပှဲၤထီၣ်ဃုလါတလါန့ၣ်, ယွၤဆှၢလီၤကလူးကၤဘြံၤအ့လး ဆူဝ့ၢ်တဖျၢၣ်လၢအမံၤမ့ၢ်နစၤရ့း အိၣ်ဝဲဖဲကီၢ်ကၤလံၤလါန့ၣ်လီၤ.

လံာ်လူၤကၣ် 18:37

အဝဲသ့ၣ်စံးဘၣ်အီၤ, “ပှၤနစၤရ့းဖိယ့ၣ်ၡူးဟဲခီဂာ်ဖဲအံၤလီၤ.”

လံာ်လူၤကၣ် 2:39

ဖဲစီၤယိၤသးဒီးနီၢ်မၤရံမၤဝံၤတၢ်ခဲလၢာ်, ဒ်ကစၢ်အတၢ်သိၣ်တၢ်သီမၤလိာ်ဝဲအသိးလံန့ၣ်, အဝဲသ့ၣ်က့ၤကဒါက့ၤဆူအလီၢ်အိၣ်လီၢ်ဆိး, ဝ့ၢ်နစၤရ့းအိၣ်လၢကီၢ်ကၤလံၤလါအပူၤန့ၣ်လီၤ.

လံာ်ယိၤဟၣ် 18:5

အဝဲသ့ၣ်စံးဆၢဝဲ, “ပှၤနစၤရ့းဖိယ့ၣ်ၡူးန့ၣ်လီၤ.” ဒီးယ့ၣ်ၡူးစံးဘၣ်အီၤ, “ယမ့ၢ်ပှၤအဝဲန့ၣ်လီၤ.” စီၤယူဒၤလၢအကဟ့ၣ်လီၤကွံာ်အီၤန့ၣ်, အိၣ်ဆၢထၢၣ်ဖဲန့ၣ်ဃုာ်ဒီးပှၤတဖၣ်န့ၣ်လီၤ.

လံာ်ယိၤဟၣ် 18:7

ယ့ၣ်ၡူးသံကွၢ်ကဒီးအဝဲသ့ၣ်, “သုဃုမတၤတဂၤန့ၣ်လဲၣ်.” ဒီးအဝဲသ့ၣ်စံးဝဲ, “ပှၤနစၤရ့းဖိယ့ၣ်ၡူးန့ၣ်လီၤ.”

လံာ်ယိၤဟၣ် 19:19

စီၤပံၤလးကွဲးလံာ်ဘိးဘၣ်သ့ၣ်ညါလၢအစံးဝဲ, “ပှၤနစၤရ့းဖိ ယ့ၣ်ၡူး, ပှၤယူဒၤဖိတဖၣ်အစီၤပၤ,” ဒီးမၢပှၤပာ်ထီၣ်အီၤလၢထူၣ်စုညါအလိၤန့ၣ်လီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

လံာ်ပှၤစံၣ်ညီၣ်ကွီၢ် 13:5

ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”