လံာ်မးသဲ 2:22 - Sgaw Karen Common Bible

²² ဘၣ်ဆၣ်ဒီးတုၤစီၤယိၤသးနၢ်ဟူလၢစီၤအၢ်ဃ့လးပၢတၢ်လၢအပၢ် စီၤဟ့ၤရိာ်အလီၢ်လၢကီၢ်ယူဒၤဒီးအဝဲအသူၣ်ပျံၤသးဖုးလၢ ကလဲၤဝဲဖဲန့ၣ်သတးဒီး, ဒ်အဘၣ်တၢ်ဒုးပလီၢ်အသးအါထီၣ် ခီဖျိတၢ်မံမီၢ်န့ၣ်, လဲၤဝဲဆူကီၢ်ကၤလံၤလါအပူၤ

လံာ်မးသဲ 2:22 Iomraidhean Croise

စံးထီၣ်ပတြၢၤ 121:8

နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကွၢ်က့ၤဝဲလီၤထူလီၤယိာ်လီၤ.

စံးထီၣ်ပတြၢၤ 48:14

ကစၢ်ယွၤအံၤမ့ၢ်ပကစၢ်ယွၤအစိၤစိၤအဃၣ်ဃၣ်, ဒီးကဆှၢပှၤလၢဆၢကတီၢ်လၢကဟဲန့ၣ်လီၤ.

စံးထီၣ်ပတြၢၤ 73:24

နဆှၢယၤလၢနတၢ်ကူၣ်ထီၣ်ဖးလီၤ ဒီးလၢခံက့ၤနကတူၢ်လိာ်ယၤလၢ တၢ်လၤတၢ်ကပီၤန့ၣ်လီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 2:19

တုၤစီၤပၤဟ့ၤရိာ်သံဝံၤအလီၢ်ခံဒီးယွၤအကလူးတဂၤလီၣ်ဖျါ ထီၣ်အသးလၢစီၤယိၤသးလၢကီၢ်အဲၤကူပတူးအပူၤခီဖျိတၢ်မံမီၢ်ဒီးစံး,

လံာ်မးသဲ 2:21

စီၤယိၤသးကိးထီၣ်ဖိသၣ်ဒီးအမိၢ်ဝံၤ, က့ၤက့ၤဝဲဆူအံၣ်စရ့လးအကီၢ်ပူၤလီၤ.

လံာ်မးသဲ 3:13

ဒီးယ့ၣ်ၡူးဟးထီၣ်လၢကီၢ်ကၤလံၤလါဒီးဟဲဝဲဆူယၢ်ဒ့ၣ်ကျိ ဆူစီၤယိၤဟၣ်အအိၣ်ဒ်သိးအကဒိးဘျၢအသးလၢအစုပူၤလီၤ.

လံာ်လူၤကၣ် 2:39

ဖဲစီၤယိၤသးဒီးနီၢ်မၤရံမၤဝံၤတၢ်ခဲလၢာ်, ဒ်ကစၢ်အတၢ်သိၣ်တၢ်သီမၤလိာ်ဝဲအသိးလံန့ၣ်, အဝဲသ့ၣ်က့ၤကဒါက့ၤဆူအလီၢ်အိၣ်လီၢ်ဆိး, ဝ့ၢ်နစၤရ့းအိၣ်လၢကီၢ်ကၤလံၤလါအပူၤန့ၣ်လီၤ.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:2

စီၤၡမူၤအ့လးသံကွၢ်ဝဲ, “ယကမၤတၢ်န့ၣ်ဒ်လဲၣ်. စီၤစီလူးမ့ၢ်နၢ်ဟူတၢ်ဂ့ၢ်န့ၣ်ဒီးအဝဲကမၤသံယၤလီၤ.” ယွၤစံးဆၢအီၤ, “ဟံးန့ၢ်ကျီၢ်ဖိတဒုဒီးစံးလၢ, နကလဲၤဖဲန့ၣ်ဒ်သိးနကလုၢ်ထီၣ်တၢ်လုၢ်တၢ်ပာ်တမံၤဆူယွၤအအိၣ်တက့ၢ်.