လံာ်မးသဲ 2:2 - Sgaw Karen Common Bible

² “ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 2:2 Iomraidhean Croise

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 45:11

စီၤပၤကအဲၣ်ဘၣ်နၤ လၢနတၢ်ဃံတၢ်လၤအဃိန့ၣ်လီၤ. အဝဲမ့ၢ်နကစၢ်, ဒီးနကဘၣ်ဒိကနၣ်အီၤလီၤ.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်မးသဲ 2:3

တုၤစီၤပၤဟ့ၤရိာ်နၢ်ဟူတၢ်အံၤဒီးအသးကိၢ်ထီၣ်ဂီၤထီၣ်ဒိၣ် မးလီၤ. ပှၤခဲလၢာ်လၢအအိၣ်လၢဝ့ၢ်ယရူၤၡလ့ၣ်အပူၤစ့ၢ်ကီး အသးကိၢ်ဃုာ်ဒီးအီၤလီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်မးသဲ 27:11

ယ့ၣ်ၡူးအိၣ်ဆၢထၢၣ်လၢပှၤရိမ့ၤဖိအပဒိၣ်ဖးဒိၣ်အမဲာ်ညါ, ဒီးပဒိၣ်ဖးဒိၣ်သမံသမိးအီၤဒီးစံး, “နမ့ၢ်ပှၤယူဒၤဖိ အစီၤပၤဧါ.” ယ့ၣ်ၡူးစံးဆၢအီၤ, “နစံးတ့ၢ်လံနဲလံ.”

လံာ်လူၤကၣ် 19:38

“မ်ကစၢ်ယွၤဆိၣ်ဂ့ၤစီၤပၤလၢအဟဲလၢကစၢ်အမံၤတဂၤန့ၣ်တက့ၢ်. မ်တၢ်ဃူတၢ်ဖိးအိၣ်ဝဲလၢမူခိၣ်, ဒီးတၢ်လၤကပီၤဘၣ်ကစၢ်ယွၤတက့ၢ်.”

လံာ်လူၤကၣ် 2:11

တနံၤအံၤ, လၢစီၤဒၤဝံးအဝ့ၢ်ပူၤန့ၣ်, ပှၤအုၣ်က့ၤခီၣ်က့ၤတၢ်အကစၢ်တဂၤ အိၣ်ဖျဲၣ်ထီၣ်ဝဲလၢသုဂီၢ်လၢအမ့ၢ်ခရံာ်ကစၢ်န့ၣ်လီၤ.

လံာ်လူၤကၣ် 23:3

စီၤပံၤလးသံကွၢ်အီၤ, “နမ့ၢ်နဲပှၤယူဒၤဖိအစီၤပၤတဂၤန့ၣ်ဧါ.” ယ့ၣ်ၡူးစံးဆၢဝဲ, “နစံးတ့ၢ်လံနဲလံ.”

လံာ်လူၤကၣ် 23:38

လၢအဝဲဒၣ်အခိၣ်ထးန့ၣ်, တၢ်ကတိၤ ‘အဝဲအံၤမ့ၢ်ပှၤယူဒၤဖိတဖၣ် အစီၤပၤ’ ဘၣ်တၢ်ကွဲးလီၤအီၤလီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 19:19

စီၤပံၤလးကွဲးလံာ်ဘိးဘၣ်သ့ၣ်ညါလၢအစံးဝဲ, “ပှၤနစၤရ့းဖိ ယ့ၣ်ၡူး, ပှၤယူဒၤဖိတဖၣ်အစီၤပၤ,” ဒီးမၢပှၤပာ်ထီၣ်အီၤလၢထူၣ်စုညါအလိၤန့ၣ်လီၤ.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

လံာ်ယိၤဟၣ် 9:38

အဝဲစံးဝဲဒၣ်, “ကစၢ်ဧၢ, ယနာ်လီၤ.” ဒီးချံးခီၣ်တီၤလီၤလၢယ့ၣ်ၡူး အမဲာ်ညါဒီးဘူၣ်ထီၣ်ဘါထီၣ်အီၤလီၤ.

ဧ့ၤဘြံၤ 1:6

မ့မ့ၢ်ဖဲကစၢ်ယွၤကဆှၢလီၤအဖိဝဲၢ်ကိဆူဟီၣ်ခိၣ်န့ၣ် စံးဝဲ, “မ်ကစၢ်ယွၤအကလူးခဲလၢာ်တီၤလီၤဘါအီၤတက့ၢ်.”

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”