လံာ်မးသဲ 2:12 - Sgaw Karen Common Bible

¹² ဒီးဒ်ကစၢ်ယွၤဒုးပလီၢ်အဝဲသ့ၣ်အသးခီဖျိတၢ်မံမီၢ်လၢ အသုတက့ၤကဒါက့ၤဆူစီၤပၤဟ့ၤရိာ်အအိၣ်တဂ့ၤအသိးန့ၣ်, အဝဲသ့ၣ်က့ၤက့ၤဆူအထံအကီၢ်ဒၣ်ဝဲလၢကျဲအဂၤတဘိလီၤ.

လံာ်မးသဲ 2:12 Iomraidhean Croise

လံာ်တၢ်ကဲထီၣ်အခီၣ်ထံး 31:24

လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်မးသဲ 2:19

တုၤစီၤပၤဟ့ၤရိာ်သံဝံၤအလီၢ်ခံဒီးယွၤအကလူးတဂၤလီၣ်ဖျါ ထီၣ်အသးလၢစီၤယိၤသးလၢကီၢ်အဲၤကူပတူးအပူၤခီဖျိတၢ်မံမီၢ်ဒီးစံး,

လံာ်မးသဲ 2:22

ဘၣ်ဆၣ်ဒီးတုၤစီၤယိၤသးနၢ်ဟူလၢစီၤအၢ်ဃ့လးပၢတၢ်လၢအပၢ် စီၤဟ့ၤရိာ်အလီၢ်လၢကီၢ်ယူဒၤဒီးအဝဲအသူၣ်ပျံၤသးဖုးလၢ ကလဲၤဝဲဖဲန့ၣ်သတးဒီး, ဒ်အဘၣ်တၢ်ဒုးပလီၢ်အသးအါထီၣ် ခီဖျိတၢ်မံမီၢ်န့ၣ်, လဲၤဝဲဆူကီၢ်ကၤလံၤလါအပူၤ

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”