လံာ်မးသဲ 2:10 - Sgaw Karen Common Bible

¹⁰ တုၤအဝဲသ့ၣ်ထံၣ်ဘၣ်ဆၣ်တဖျၢၣ်န့ၣ်ဒီးအသူၣ်ခုအသးခုဒိၣ်ဒိၣ် ကလဲာ်လီၤ. ဆၣ်အံၤလဲၤတၢ်လၢအဝဲသ့ၣ်အမဲာ်ညါတုၤ အအိၣ်ကတီၢ်ဖဲအလီၢ်လၢဖိသၣ်အိၣ်ဝဲအဖီခိၣ်န့ၣ်လီၤ.

လံာ်မးသဲ 2:10 Iomraidhean Croise

စံးထီၣ်ပတြၢၤ 105:3

တၢ်လၤတၢ်ကပီၤအိၣ်ဝဲလၢအမံၤစီဆှံအပူၤန့ၣ်လီၤ. မ်ပှၤလၢအဃုယွၤသူၣ်ဖှံသးညီတက့ၢ်.

စံးထီၣ်ပတြၢၤ 67:4

မ်ပှၤကလုာ်တဖၣ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံသးညီန့ၣ်တက့ၢ်. အဂ့ၢ်ဒ်အံၤ, နစံၣ်ညီၣ်ပှၤဂီၢ်မုၢ်လၢတၢ်တီတၢ်လိၤ, ဒီးဆှၢပှၤကလုာ်ခဲလၢာ်လၢဟီၣ်ခိၣ်ချၢလီၤ. စ့လၤ

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 2:9

တုၤအဝဲသ့ၣ်နၢ်ဟူစီၤပၤအတၢ်စံးတၢ်ကတိၤဝံၤဒီး ဟးထီၣ်ဝဲဒီးဖဲအလဲၤတၢ်လၢကျဲအခါ, ဆၣ်လၢအထံၣ်တ့ၢ်ဝဲလၢမုၢ်ထီၣ်တဖျၢၣ်န့ၣ်ဟဲဖျါထီၣ်ကဒီးလီၤ.

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လူၤကၣ် 2:20

ပှၤကွၢ်သိတဖၣ်က့ၤကဒါက့ၤဝဲ, အိၣ်ဒီးတၢ်သးဝံၣ်စံးထီၣ်ပတြၢၤ ကစၢ်ယွၤလၢတၢ်လၢအဝဲသ့ၣ်တဖၣ်အနၢ်ဟူဘၣ်တ့ၢ်ဝဲ ဒီးထံၣ်ဘၣ်တ့ၢ်ဝဲခဲလၢာ်အဃိလီၤ. တၢ်မၤအသးန့ၣ်, မ့ၢ်ဝဲဒ်ကလူးတဂၤန့ၣ်စံးဘၣ်တဲဘၣ်တ့ၢ်အဝဲသ့ၣ်အသိးန့ၣ်လီၤ.

လံာ်သိၣ်လီၤသီလီၤတၢ် 32:13

အဝဲဒုးပၢဘၣ်တ့ၢ်အဝဲသ့ၣ်လၢတၢ်လီၢ်အထီတဖၣ်, ဒီးအဝဲသ့ၣ်အီၣ်ဘၣ်တ့ၢ်တၢ်လၢအမဲထီၣ်လၢစံာ်ပျီတဖၣ်အပူၤန့ၣ်လီၤ. အဝဲသ့ၣ်ထံၣ်န့ၢ်ကနဲအမံၤအစီလၢလၢၢ်တဖၣ်အကျါ, အဝဲသ့ၣ်အသ့ၣ်စၤယံးတဖၣ်ဒိၣ်ထီၣ်တ့ၢ်လၢလၢၢ်ခိၣ်န့ၣ်လီၤ.