လံာ်မးသဲ 19:9 - Sgaw Karen Common Bible

⁹ ဒီးယစံးဘၣ်သု, ပှၤတဂၤလၢ်လၢ်လၢအပာ်မၢ်ကွံာ်အမါလၢ အတမ့ၢ်ဘၣ်တၢ်အဲၣ်ဘၢဝၤအဃိ, ဝံၤအိၣ်ဃုာ်ဒီးပိာ်မုၣ်အဂၤတဂၤန့ၣ်, မ့ၢ်ပှၤလၢအအဲၣ်ဘၢအမါလီၤ. (ဒီးပှၤလၢအအိၣ်ဃုာ်ဒီးပိာ်မုၣ် လၢအဘၣ်တၢ်ပာ်မၢ်ကွံာ်အီၤန့ၣ်မၤကမၣ်ပှၤအမါလီၤ.)”

လံာ်မးသဲ 19:9 Iomraidhean Croise

လံာ်တၢ်ကဲထီၣ်အခီၣ်ထံး 20:3

ဘၣ်မုၢ်တနၤကစၢ်ယွၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ ဒီးစံးဝဲ, “မ့ၢ်လၢနဟံးန့ၢ်ပိာ်မုၣ်လၢအဒိးတ့ဒိးဖျီ အသးအဃိနကသံလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 21:11

အဝဲဘှီထီၣ်ဒၣ်လဲာ်ပှၤဘါတၢ်ဂီၤတၢ်ဖီၣ်တဖၣ်အတၢ်ဘူၣ်တၢ်ဘါ အလီၢ်လၢကီၢ်ယူဒၤအတၢ်လီၢ်ထီၣ်ထီတဖၣ်, ဒီးဆှၢဃီၤကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢကမၤ တၢ်ဒဲးဘးထီဒါယွၤန့ၣ်လီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ယဃ့းစက့လး 16:29

နမ့ၢ်စ့ၢ်ကီးပှၤဃဲသဲမုၣ်တဂၤလၢပှၤဘၤဘူၤလိၣ်ဖိတဖၣ် အဂီၢ်, ပှၤတကလုာ်န့ၣ်လၢအမ့ၢ်ပှၤကူၣ်တၢ်ကၤတၢ်တဖၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.”

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်မးသဲ 19:10

အပျဲၢ်အဘီၣ်တဖၣ်စံးဘၣ်အီၤ, “တၢ်မ့မ့ၢ်ဒ်အံၤလၢဝၤဒီးမါအဘၢၣ်စၢၤဒီး, ပှၤတဂ့ၤန့ၢ်မါန့ၢ်ဝၤဘၣ်လီၤ.”

လံာ်မးသဲ 19:8

ယ့ၣ်ၡူးစံးဆၢအဝဲသ့ၣ်, “မ့ၢ်လၢပှၤသိၣ်က့ၤသီက့ၤသုကီဒိၣ်မးအဃိ, စီၤမိၤၡ့ဟ့ၣ်သုတၢ်ပျဲလၢသုကပာ်မၢ်သုမါလီၤ. ဘၣ်ဆၣ်ဒီး လၢယွၤတ့လီၤသီတၢ်အခီၣ်ထံးန့ၣ်, တမ့ၢ်ဘၣ်ဒ်န့ၣ်အသိးဘၣ်.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

လံာ်လူၤကၣ် 16:18

ပိာ်ခွါတဂၤလၢ်လၢ်လၢအပာ်မၢ်ကွံာ်အမါဒီးန့ၢ်အမါလၢပိာ်မုၣ် အဂၤတဂၤန့ၣ်, မ့ၢ်အအဲၣ်ဘၢတၢ်, ဒီးပိာ်ခွါတဂၤလၢအန့ၢ်အမါလၢပိာ်မုၣ်တဂၤလၢအဘၣ်တၢ်ပာ်မၢ်ကွံာ်အီၤန့ၣ်, မ့ၢ်အမၤကမၣ်ပှၤဂၤအမါလီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

1 ကရံၣ်သူး 7:39

ပိာ်မုၣ်လၢအဝၤအိၣ်တဂၤန့ၣ်, ဖဲလၢအဝၤအိၣ်မူဒံးအဆၢ ကတီၢ်, တအိၣ်ဒီးတၢ်သဘျ့ဘၣ်. မ့မ့ၢ်အဝဲဒၣ်အဝၤမ့ၢ်သံဒီး, အဝဲအိၣ်ဒီးတၢ်သဘျ့လၢအကဖျီအသးဒီးပိာ်ခွါတဂၤလၢ်လၢ်လၢ အဘၣ်သူၣ်ဘၣ်သးဝဲ, ဘၣ်ဆၣ်ဒီးပိာ်ခွါကဘၣ်မ့ၢ်ပှၤခရံာ်ဖိ တဂၤလီၤ.

1 ကရံၣ်သူး 7:4

မါတဂၤတမ့ၢ်အနီၢ်ခိဒၣ်ဝဲအကစၢ်ဘၣ်, မ့ၢ်ဝဲအဝၤလီၤ. ဒ်န့ၣ်အသိးဝၤတဂၤတမ့ၢ်အနီၢ်ခိဒၣ်ဝဲအကစၢ်ဘၣ်. မ့ၢ်ဝဲအမါလီၤ.