လံာ်မးသဲ 19:7 - Sgaw Karen Common Bible

⁷ ပှၤဖၤရံၤၡဲတဖၣ်စံးဘၣ်အီၤ, “မ့မ့ၢ်ဒ်န့ၣ်ဒီး, ဘၣ်မနုၤစီၤမိၤၡ့ဟ့ၣ်တၢ်သိၣ်တၢ်သီလၢပှၤပိာ်ခွါကဟ့ၣ် အမါလၢလံာ်လီၤဖှၣ်ဒီးကပာ်မၢ်အီၤန့ၣ်လဲၣ်.”

လံာ်မးသဲ 19:7 Iomraidhean Croise

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်မၤလကံ 2:16

ယွၤအံၣ်စရ့လးအကစၢ်ယွၤစံးဝဲ, “ယသးဟ့တၢ်ပာ်မၢ်လိာ်သးလီၤ. ယသးဟ့တၢ်အံၤ, ဖဲသုဝဲတဂၤဂၤမၤတၢ်အအၢအသီဒ်သိးအံၤဆူအမါန့ၣ်လီၤ. ပလီၢ်သုသးဒ်သိး, သုသုတမၤဟးဂီၤကွံာ်သုတၢ်အၢၣ်လီၤ အီလီၤလၢသုကတီဒီးသုမါအဂီၢ်န့ၣ်တက့ၢ်.”

လံာ်မးသဲ 1:19

စီၤယိၤသးမ့ၢ်ပှၤအတီအလိၤတဂၤအဃိ, အသးတအိၣ်လၢ အကမၤမဲာ်ဆှးဘၣ်နီၢ်မၤရံလၢပှၤအါဂၤအမဲာ်ညါဘၣ်. ဒီးအဝဲပာ်လီၤအသးလၢကထုးဖးကွံာ်အသးဒီးအီၤကစုဒုလီၤ.

လံာ်မးသဲ 19:6

မၤသးဒ်န့ၣ်ဒီး, အဝဲသ့ၣ်တမ့ၢ်လၢၤပှၤခံဂၤဘၣ်, မ့ၢ်တသွံၣ်ဃီတညၣ်ဃီလီၤ. လၢတၢ်န့ၣ်အဃိ, တၢ်လၢကစၢ်ယွၤပာ်ဃုာ်ဝဲန့ၣ်, မ်ပှၤကညီသုတထုးဖှၣ်တဂ့ၤ.”

လံာ်မးသဲ 19:8

ယ့ၣ်ၡူးစံးဆၢအဝဲသ့ၣ်, “မ့ၢ်လၢပှၤသိၣ်က့ၤသီက့ၤသုကီဒိၣ်မးအဃိ, စီၤမိၤၡ့ဟ့ၣ်သုတၢ်ပျဲလၢသုကပာ်မၢ်သုမါလီၤ. ဘၣ်ဆၣ်ဒီး လၢယွၤတ့လီၤသီတၢ်အခီၣ်ထံးန့ၣ်, တမ့ၢ်ဘၣ်ဒ်န့ၣ်အသိးဘၣ်.

လံာ်မးသဲ 5:31

တၢ်စံးစ့ၢ်ကီးဝဲလၢပှၤတဂၤလၢ်လၢ်လၢအပာ်မၢ်ကွံာ်အမါန့ၣ်, မ်အကဟ့ၣ်ထွဲစ့ၢ်ကီးအီၤလၢလံာ်လီၤဖှၣ်တဘ့ၣ်တက့ၢ်.

လံာ်မၢ်ကူး 10:4

အဝဲသ့ၣ်စံးဆၢဝဲ, “စီၤမိၤၡ့ဟ့ၣ်တၢ်ပျဲလၢကကွဲးလံာ်လီၤဖှၣ်တဘ့ၣ်, ဝံၤဒီးပာ်မၢ်ကွံာ်အမါသ့ဝဲဒၣ်လီၤ.”