လံာ်မးသဲ 19:6 - Sgaw Karen Common Bible

⁶ မၤသးဒ်န့ၣ်ဒီး, အဝဲသ့ၣ်တမ့ၢ်လၢၤပှၤခံဂၤဘၣ်, မ့ၢ်တသွံၣ်ဃီတညၣ်ဃီလီၤ. လၢတၢ်န့ၣ်အဃိ, တၢ်လၢကစၢ်ယွၤပာ်ဃုာ်ဝဲန့ၣ်, မ်ပှၤကညီသုတထုးဖှၣ်တဂ့ၤ.”

လံာ်မးသဲ 19:6 Iomraidhean Croise

တၢ်ကတိၤဒိ. 2:17

လၢအတတီဒီးအဝၤဒၣ်ဝဲဒီးသးပ့ၤနီၣ်ကွံာ်အတၢ်အၢၣ်လီၤ အီလီၤစီဆှံတဖၣ်ကသ့ဝဲန့ၣ်လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

လံာ်မၤလကံ 2:16

ယွၤအံၣ်စရ့လးအကစၢ်ယွၤစံးဝဲ, “ယသးဟ့တၢ်ပာ်မၢ်လိာ်သးလီၤ. ယသးဟ့တၢ်အံၤ, ဖဲသုဝဲတဂၤဂၤမၤတၢ်အအၢအသီဒ်သိးအံၤဆူအမါန့ၣ်လီၤ. ပလီၢ်သုသးဒ်သိး, သုသုတမၤဟးဂီၤကွံာ်သုတၢ်အၢၣ်လီၤ အီလီၤလၢသုကတီဒီးသုမါအဂီၢ်န့ၣ်တက့ၢ်.”

လံာ်မးသဲ 19:5

ဒီးကစၢ်ယွၤစံးဝဲ, ‘လၢတၢ်န့ၣ်အဃိ, ပိာ်ခွါကဟးသဒၣ်ကွံာ်အမိၢ်ဒီးအပၢ်, ဒီးကဘျုးအသးဒီးအမါ, ဒီးတၢ်လၢပှၤခံဂၤန့ၣ်ကကဲထီၣ်တၢ်တသွံၣ်ဃီတညၣ်ဃီလီၤ’ (ကဲထီၣ်. ၂:၂၄).

လံာ်မးသဲ 19:7

ပှၤဖၤရံၤၡဲတဖၣ်စံးဘၣ်အီၤ, “မ့မ့ၢ်ဒ်န့ၣ်ဒီး, ဘၣ်မနုၤစီၤမိၤၡ့ဟ့ၣ်တၢ်သိၣ်တၢ်သီလၢပှၤပိာ်ခွါကဟ့ၣ် အမါလၢလံာ်လီၤဖှၣ်ဒီးကပာ်မၢ်အီၤန့ၣ်လဲၣ်.”

လံာ်မၢ်ကူး 10:9

သတးဒီး, တၢ်လၢကစၢ်ယွၤပာ်ဃုာ်တပူၤဃီန့ၣ်, မ်ပှၤကညီသုတထုးဖးကွံာ်တဂ့ၤ.”

ရိမ့ၤ 7:2

အဒိန့ၣ်, ပိာ်မုၣ်လၢအဒိးတ့ဒိးဖျီအသးဝံၤတဂၤန့ၣ်တၢ်သိၣ် တၢ်သီစၢဃာ်အီၤဒီးအဝၤဖဲအဝၤအိၣ်မူဒံးအခါန့ၣ်လီၤ. ဘၣ်ဆၣ်အဝၤမ့ၢ်သံဒီး, အဝဲထူၣ်ဖျဲးထီၣ်ဝဲလၢတၢ်သိၣ်တၢ်သီလၢအစၢဃာ်အီၤဒီး အဝၤန့ၣ်လီၤ.

အ့းဖ့းစူး 5:28

ဝၤသ့ၣ်တဖၣ်ဂ့ၤအဲၣ်အမါဒ်အအဲၣ်လီၤက့ၤအသးဒၣ်ဝဲအသိး န့ၣ်လီၤ. ပှၤလၢအအဲၣ်အမါန့ၣ်အဲၣ်လီၤအသးဒၣ်ဝဲလီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.