လံာ်မးသဲ 19:5 - Sgaw Karen Common Bible

⁵ ဒီးကစၢ်ယွၤစံးဝဲ, ‘လၢတၢ်န့ၣ်အဃိ, ပိာ်ခွါကဟးသဒၣ်ကွံာ်အမိၢ်ဒီးအပၢ်, ဒီးကဘျုးအသးဒီးအမါ, ဒီးတၢ်လၢပှၤခံဂၤန့ၣ်ကကဲထီၣ်တၢ်တသွံၣ်ဃီတညၣ်ဃီလီၤ’ (ကဲထီၣ်. ၂:၂၄).

လံာ်မးသဲ 19:5 Iomraidhean Croise

လံာ်တၢ်ကဲထီၣ်အခီၣ်ထံး 34:3

ဘၣ်ဆၣ်အဝဲထံၣ်ဘၣ်ဝဲလၢပိာ်မုၣ်ဖိသၣ်န့ၣ်အိၣ်ဒီးအတၢ်ရဲၢ်သံ တုၤဒၣ်လဲာ်အဝဲအဲၣ်ဘၣ်အီၤဒီးကျဲးစၢးမၤန့ၢ်အတၢ်အဲၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်စီၤပၤအခီၣ်ထံးတဘ့ၣ် 11:2

ယွၤမၤလိာ်တ့ၢ်ပှၤအံၣ်စရ့လးဖိတဖၣ်လၢအတဘၣ်ဟံးန့ၢ်ပှၤဂီၢ် မုၢ်တဖၣ်အံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်ဒုးကဲထီၣ်ပှၤအံၣ်စရ့လးဖိတဖၣ်လၢပှၤဟ့ၣ်လီၤအတၢ်သး တီဆူကစၢ်အဂၤတဖၣ်အအိၣ်သ့ဝဲလီၤ. တၢ်န့ၣ်ဒၣ်လဲာ်, စီၤၡလိၤမိၤဒိးတ့ဒိးဖျီတ့ၢ်အသးဒီးပိာ်မုၣ်တဖၣ်န့ၣ်လီၤ.

စံးထီၣ်ပတြၢၤ 45:10

ဖိမုၣ်ဧၢ, ဒိကနၣ်, ဆိကမိၣ်ဒီးဒိးနနၢ်, သးပ့ၤနီၣ်နပှၤဂီၢ်မုၢ်ဒီးနပၢ်အဟံၣ်တက့ၢ်.

စံးထီၣ်ပတြၢၤ 63:8

ယသးသန့ၤယသးလၢနၤ, နစုထွဲမၤစၢၤယၤလီၤ.

လံာ်မၤလကံ 2:15

မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်မးသဲ 19:6

မၤသးဒ်န့ၣ်ဒီး, အဝဲသ့ၣ်တမ့ၢ်လၢၤပှၤခံဂၤဘၣ်, မ့ၢ်တသွံၣ်ဃီတညၣ်ဃီလီၤ. လၢတၢ်န့ၣ်အဃိ, တၢ်လၢကစၢ်ယွၤပာ်ဃုာ်ဝဲန့ၣ်, မ်ပှၤကညီသုတထုးဖှၣ်တဂ့ၤ.”

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

1 ကရံၣ်သူး 6:16

မ့တမ့ၢ်, ဘၣ်တဘၣ်သုတသ့ၣ်ညါလၢပှၤပိာ်ခွါတဂၤ လၢအပာ်ဖှိၣ်ဃုာ်အနီၢ်ခိဒီးဃဲသဲမုၣ်တဂၤန့ၣ်, ကဲထီၣ်ပှၤတဂၤဃီဒီးအီၤလၢနီၢ်ခိနီၢ်ခီန့ၣ်လီၤ. တၢ်ကွဲးအသးစံးဝဲဒၣ်ဖျါဖျါကစီဒီလီၤ. “ပှၤခံဂၤန့ၣ်ကကဲထီၣ်နီၢ်ခိတဂၤဃီလီၤ.”

1 ကရံၣ်သူး 7:2

ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

1 ကရံၣ်သူး 7:4

မါတဂၤတမ့ၢ်အနီၢ်ခိဒၣ်ဝဲအကစၢ်ဘၣ်, မ့ၢ်ဝဲအဝၤလီၤ. ဒ်န့ၣ်အသိးဝၤတဂၤတမ့ၢ်အနီၢ်ခိဒၣ်ဝဲအကစၢ်ဘၣ်. မ့ၢ်ဝဲအမါလီၤ.

အ့းဖ့းစူး 5:31

ဒ်တၢ်ကွဲးအသးစံးဝဲအသိး, လၢတၢ်ဂ့ၢ်အံၤအဃိပိာ်ခွါကဟးဖးဒီးအမိၢ်အပၢ်ဒီးကပာ်ဖှိၣ် အသးဒီးအမါလီၤ. ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:22

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤတ့ၢ်သုန့ၣ် လၢတၢ်သူၣ်တီသးရၤအပူၤတက့ၢ်. အဲၣ်ယွၤသုကစၢ်ယွၤ, မၤတၢ်ကိးမံၤဒဲးလၢအဝဲမၤလိာ်ဝဲ, ဒီးအိၣ်ဒီးတၢ်သူၣ်တီသးရၤဒီးအီၤတက့ၢ်.

လံာ်သိၣ်လီၤသီလီၤတၢ် 4:4

မ့မ့ၢ်သုဝဲတဖၣ်လၢအသူၣ်တီသးရၤဒီးယွၤ, သုကစၢ်ယွၤန့ၣ်မူဒံးဝဲတုၤမဆါတနံၤအံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:43

စီၤဒၤဝံးထီၣ်ပှၢ်တ့ၢ်ဒီးနီၢ်အဃံနိၣ်လၢဝ့ၢ်ယံးစရ့လးဒီး ခဲအံၤနီၢ်အဘံၤကါယံးလးစ့ၢ်ကီးကဲထီၣ်အမါလီၤ.