လံာ်မးသဲ 19:4 - Sgaw Karen Common Bible

⁴ ယ့ၣ်ၡူးစံးဆၢဝဲ, “ပှၤလၢအတ့လီၤပှၤကညီလၢအခီၣ်ထံးလံၤလံၤန့ၣ်, တ့လီၤအီၤပိာ်ခွါဒီးပိာ်မုၣ်န့ၣ်, မ့ၢ်သုတဖးဘၣ်ဘၣ်ဧါ.

လံာ်မးသဲ 19:4 Iomraidhean Croise

လံာ်တၢ်ကဲထီၣ်အခီၣ်ထံး 1:27

ဒီးကစၢ်ယွၤတ့လီၤပာ်လီၤပှၤကညီတဖၣ်, တ့အဝဲသ့ၣ်လီၤဂာ်ဒ် သိးသိးအကစၢ်ဒၣ်ဝဲလီၤ. အဝဲတ့လီၤပာ်လီၤအဝဲသ့ၣ်, ပိာ်ခွါဒီးပိာ်မုၣ်,

လံာ်တၢ်ကဲထီၣ်အခီၣ်ထံး 2:18

ဒီးယွၤ, ကစၢ်ယွၤစံးဝဲဒၣ်, “ပှၤကညီကအိၣ်မူထဲတဂၤဧိၤန့ၣ်တဂ့ၤဘၣ်. ယကတ့န့ၢ်အီၤအတံၤသကိးလၢအကြၢးဒီးအီၤလၢကမၤစၢၤအီၤအဂီၢ်လီၤ.”

လံာ်တၢ်ကဲထီၣ်အခီၣ်ထံး 2:23

ဒီးပိာ်ခွါစံးဝဲဒၣ်, “အအံၤတၢ်အံၤမ့ၢ်ပှၤဒ်သိးသိးယၤတဂၤလီၤ. ဃံလၢအဘၣ်တၢ်ထဲးထီၣ်အီၤလၢယဃံ, ဒီးညၣ်လၢယညၣ်လီၤ. ပိာ်မုၣ်, မ့ၢ်အဝဲအမံၤ, မ့ၢ်လၢအဝဲဘၣ်တၢ်ထဲးထီၣ်န့ၢ်အီၤလၢပိာ်ခွါအဃိလီၤ.”

လံာ်တၢ်ကဲထီၣ်အခီၣ်ထံး 5:2

အဝဲတ့လီၤတ့ၢ်အီၤပိာ်ခွါဒီးပိာ်မုၣ်ဝံၤဆိၣ်ဂ့ၤအီၤဒီး ယုၢ်န့ၢ်အမံၤလၢ, “ပှၤဟီၣ်ခိၣ်ဖိ” န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 24:3

စီၤယဟိယဒါဃုထၢန့ၢ်စီၤပၤယိၤအၣ်လၢအမါခံဂၤ, ဒီးအဝဲသ့ၣ်ဆံးစၢ်န့ၢ်အီၤလၢအဖိခွါတဖၣ်ဒီးအဖိမုၣ်တဖၣ် န့ၣ်လီၤ.

လံာ်မၤလကံ 2:15

မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်မးသဲ 12:3

ယ့ၣ်ၡူးစံးဆၢအဝဲသ့ၣ်, “မ့ၢ်သုတဖးဘၣ်တၢ်လၢစီၤဒၤဝံးမၤ တ့ၢ်ဝဲဖဲအဝဲဒီးပှၤအိၣ်ဒီးအီၤတဖၣ်သၣ်ဝံၤဝဲအကတီၢ်န့ၣ်ဘၣ်ဧါ.

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မးသဲ 21:6

လၢတၢ်န့ၣ်အဃိအပျဲၢ်အဘီၣ်တဖၣ်လဲၤဒီးမၤဝဲဒ်ယ့ၣ်ၡူးမၤလိာ် အဝဲသ့ၣ်အသိးန့ၣ်လီၤ.

လံာ်မးသဲ 22:31

ဘၣ်ဃးဒီးတၢ်ဂဲၤဆၢထၢၣ်က့ၤလၢတၢ်သံန့ၣ်, မ့ၢ်သုတဖးဘၣ်တၢ်လၢ ကစၢ်ယွၤစံးဘၣ်တဲဘၣ်တ့ၢ်သုနီတဘျီဘၣ်ဧါ.

လံာ်မၢ်ကူး 12:10

တၢ်ကွဲးအသးအံၤမ့ၢ်သုတဖးဘၣ်ဒံးဘၣ်ဧါ. ‘လၢၢ်တဖျၢၣ်လၢပှၤဘှီထီၣ်ဟံၣ်တဖၣ်ညိကွံာ်ဝဲ ဒ်တၢ်လၢအဘျုးတအိၣ်နီတမံၤဘၣ်န့ၣ်, ကဲထီၣ်တ့ၢ်လံဟံၣ်သနၢၣ်အလၢၢ် လၢအဘျုးအဖှိၣ်အိၣ်ဒိၣ်ကတၢၢ်န့ၣ်လီၤ.

လံာ်မၢ်ကူး 12:26

မ့မ့ၢ်တခီန့ၣ်, ပှၤကအိၣ်မူဒ်မူခိၣ်ကလူးတဖၣ်အသိးန့ၣ်လီၤ. တၢ်ဂ့ၢ်ဘၣ်ဃးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤန့ၣ်, မ့ၢ်သုတဖးဘၣ်လၢလံာ်မိၤၡ့အပူၤတၢ်ကွဲးတတီၤလၢအစံး တၢ်ဘၣ်ဃးတၤဆှုၣ်တပှီာ်တလိၣ် လၢမ့ၣ်အူအီၣ်အီၤအဂ့ၢ်န့ၣ်နီတဘျီဘၣ်ဧါ. လၢတၢ်ကွဲးဖဲန့ၣ်အပူၤကစၢ်ယွၤစံးဘၣ်စီၤမိၤၡ့, ‘ယမ့ၢ်စီၤအၤဘြၤဟၣ်အကစၢ်ယွၤ, စီၤအံၤစဲး အကစၢ်ယွၤဒီးစီၤယၤကိာ်အကစၢ်ယွၤလီၤ.’

လံာ်မၢ်ကူး 2:25

ယ့ၣ်ၡူးစံးဆၢအဝဲသ့ၣ်, “ဘၣ်တဘျီဖဲစီၤဒၤဝံးတၢ်သၣ်ဝံၤအသးဒီးမ့ၢ်အမၤတၢ်ဒ်လဲၣ် န့ၣ်, သုတဖးဘၣ်အဂ့ၢ်ဘၣ်ဧါ. အဘျီအဝဲန့ၣ်အိၣ်ဃုာ်ဒီးပှၤပိာ်အခံတဖၣ်လၢတၢ်သၣ်ဝံၤ အသးန့ၣ်လီၤ.

လံာ်လူၤကၣ် 10:26

ယ့ၣ်ၡူးစံးဆၢအီၤ, “တၢ်ကွဲးအသးစီဆှံတဖၣ်စံးဝဲဒ်လဲၣ်. နထုးထီၣ်နဲအခီပညီဒ်လဲၣ်.”

လံာ်လူၤကၣ် 6:3

ယ့ၣ်ၡူးစံးဆၢအဝဲသ့ၣ်, “တၢ်လၢစီၤဒၤဝံးဒီးအပျဲၢ်တဖၣ်မၤဝဲဖဲ တၢ်သၣ်ဝံၤအဝဲသ့ၣ်အသးအခါန့ၣ်မ့ၢ်သုတဖးဘၣ်ဧါ.