လံာ်မးသဲ 19:26 - Sgaw Karen Common Bible

²⁶ ယ့ၣ်ၡူးကွၢ်အဝဲသ့ၣ်လိၤလိၤဒီးစံး, “လၢပှၤကညီအဂီၢ်တၢ်အံၤမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်လၢကစၢ်ယွၤအဂီၢ်န့ၣ်တၢ်ခဲလၢာ်မၤအသးသ့ဝဲလီၤ.”

လံာ်မးသဲ 19:26 Iomraidhean Croise

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:16

ဒ်ယွၤအၢၣ်လီၤတ့ၢ်တၢ်ခီဖျိစီၤအ့ၤလံယၤအသိးန့ၣ်, လၢလီခီပူၤကိၣ်ကမူၣ်တလၢာ်မ့ၢ်ဂ့ၤလၢကိအပူၤသိတလၢာ်မ့ၢ် ဂ့ၤဘၣ်န့ၣ်လီၤ.

လံာ်စီၤယိၤဘး 42:2

ယွၤဧၢ, ယသ့ၣ်ညါလၢနသ့တၢ်လၢာ်, ဒီးတၢ်တြီနတိာ်တၢ် တသ့ဘၣ်နီတမံၤဘၣ်.

စံးထီၣ်ပတြၢၤ 3:8

တၢ်မၤပူၤဖျဲးန့ၣ်ဟဲလၢယွၤလီၤ. မ်နတၢ်ဆိၣ်ဂ့ၤလီၤဘၣ်နပှၤဂီၢ်မုၢ်တက့ၢ်. စ့လၤ

စံးထီၣ်ပတြၢၤ 62:11

ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်စကၤရယၤ 8:6

လၢပှၤကလုာ်လၢအအိၣ်လီၤတဲာ်တ့ၢ်ခဲအံၤတဖၣ် အဂီၢ်န့ၣ်တၢ်အံၤကမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်ဒီးတၢ်တသ့ဘၣ်န့ၣ်တအိၣ်ဒီးယၤဘၣ်.

လံာ်တၢ်ဂံၢ် 11:23

ယွၤစံးဆၢဝဲဒၣ်, “မ့ၢ်တၢ်တြီဃာ်ယစိယကမီၤအဆၢသ့ဧါ. တယံာ်ဘၣ်ဒီးနကထံၣ်ဘၣ်တၢ်လၢယစံးတ့ၢ်ဝဲန့ၣ်ကကဲထီၣ်ဧါ တကဲထီၣ်ဘၣ်ဧါန့ၣ်လီၤ.”

လံာ်မးသဲ 19:25

တုၤအပျဲၢ်အဘီၣ်တဖၣ်နၢ်ဟူတၢ်ကတိၤအံၤဒီး, ကမၢကမၣ်ဝဲဒိၣ်ဒိၣ်ကလဲာ်, ဒီးသံကွၢ်တၢ်ဒီးစံးဝဲ, “မ့မ့ၢ်ဒ်န့ၣ်ဒီးမ့ၢ်မတၤဒိးန့ၢ်ဘၣ်တၢ်အုၣ်က့ၤခီၣ်က့ၤ ကသ့တဂၤလဲၣ်.”

လံာ်မးသဲ 19:27

တုၤနုၤတစု စီၤပ့းတရူးကတိၤထီၣ်တၢ်ဒီးစံးဝဲ, “ပဝဲဒၣ်အံၤပပာ်တ့ၢ်တၢ်ခဲလၢာ်, ဒီးပပိာ်တ့ၢ်နခံလံ, မ့ၢ်ပကဒိးန့ၢ်ဘၣ်တၢ်မနုၤလဲၣ်.”

လံာ်မၢ်ကူး 10:27

ယ့ၣ်ၡူးကွၢ်ဃီၤအဝဲသ့ၣ်ဒီးစံးဘၣ်အီၤ, “တၢ်တမံၤအံၤပှၤကညီမၤတသ့လ့ၤတက့ၤဘၣ်. ဘၣ်ဆၣ်လၢကစၢ်ယွၤအဂီၢ်တမ့ၢ်တၢ်ဒ်န့ၣ်ဘၣ်. အဂ့ၢ်ဒ်လဲၣ်န့ၣ်, ယွၤမၤတၢ်သ့ကိးမံၤဒဲးလီၤ.”

လံာ်လူၤကၣ် 1:37

အဂ့ၢ်ဒ်အံၤတၢ်လၢကစၢ်ယွၤမၤတသ့န့ၣ်တအိၣ်နီတမံၤဘၣ်.”

လံာ်လူၤကၣ် 18:27

ယ့ၣ်ၡူးစံးဆၢဝဲ, “တၢ်လၢပှၤကညီမၤတသ့န့ၣ်, ကစၢ်ယွၤမၤဝဲသ့လီၤ.”

ဧ့ၤဘြံၤ 6:6

ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”