လံာ်မးသဲ 19:23 - Sgaw Karen Common Bible

²³ တုၤနုၤတစု, ယ့ၣ်ၡူးစံးဘၣ်အပျဲၢ်အဘီၣ်တဖၣ်, “နာ်ယၤတက့ၢ်. ယစံးဘၣ်သု, ပှၤထူးပှၤတီၤကလဲၤနုာ်ဆူမူခိၣ်အဘီအမုၢ်ပူၤန့ၣ်, မ့ၢ်တၢ်ကီဒိၣ်မးလီၤ.

လံာ်မးသဲ 19:23 Iomraidhean Croise

တၢ်ကတိၤဒိ. 11:28

ပှၤတဖၣ်လၢအသန့ၤအသးလၢတၢ်ထူးတၢ်တီၤန့ၣ်ကလီၤဃံၤဝဲဒ်သ့ၣ်လၣ် လီၤဆှု လၢတၢ်ကိၢ်ထီၣ်သီအကတီၢ်အသိးန့ၣ်လီၤ. မ့မ့ၢ်ပှၤအတီအလိၤန့ၣ်ကဘီၣ်ထီၣ်ညီထီၣ်ဝဲဒ်သ့ၣ်လၣ်တဖၣ်ဒိးစၢ် ထီၣ်ဖဲတၢ်စူၤလီၤသီအကတီၢ်အသိးန့ၣ်လီၤ.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မးသဲ 18:3

ဒီးစံး, “ယစံးဘၣ်သုတၢ်မ့ၢ်တၢ်တီအံၤလၢ, မ့တမ့ၢ်ဘၣ်လၢသုလဲလိာ်သုတၢ်ပာ်သူၣ်ပာ်သး, ဒီးကဲထီၣ်ဒ်ဖိသၣ်တဖၣ်အသိးဘၣ်ဒီး, သုတလဲၤနုာ်ဘၣ်ဆူမူခိၣ်ဘီမုၢ်အပူၤနီတဘျီဘၣ်.

လံာ်မးသဲ 19:22

တုၤပှၤဖိၣ်သၣ်ခွါနၢ်ဟူတၢ်ကတိၤအံၤဒီး, ဟးထီၣ်ကွံာ်ဝဲလၢတၢ်သးအုးအပူၤလီၤ. အဂ့ၢ်ဒ်အံၤ, အဝဲအိၣ်ဒီးတၢ်ထူးတၢ်တီၤအါအါကလဲာ်လီၤ.

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 5:20

သုတၢ်တီတၢ်လိၤမ့ၢ်တဒိၣ်န့ၢ်အါန့ၢ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီဒီးပှၤဖၤရံၤၡဲတဖၣ်အတၢ်တီတၢ်လိၤဘၣ်ဒီး, သုလဲၤနုာ်ဆူမူခိၣ်အဘီအမုၢ်အပူၤတသ့လ့ၤတက့ၤဘၣ်.

လံာ်မၢ်ကူး 10:23

ယ့ၣ်ၡူးကွၢ်တရံးတၢ်ဆူအပျဲၢ်အဘီၣ်တဖၣ်အအိၣ်ဒီးစံးဘၣ် အဝဲသ့ၣ်, “ပှၤလၢအအိၣ်ဒီးတၢ်စုလီၢ်ခီၣ်ခိၣ်အါအါဂီၢ်ဂီၢ်တဖၣ် ကလဲၤနုာ်ဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.”

လံာ်လူၤကၣ် 18:24

ယ့ၣ်ၡူးထံၣ်ဘၣ်လၢအဝဲဒၣ်အသးအုးဒီးစံးဝဲ, “ပှၤထူးပှၤတီၤတဖၣ်ကနုာ်လီၤဆူကစၢ်ယွၤအဘီအမုၢ်အပူၤ အဂီၢ်န့ၣ်, ကီဆံးဒိၣ်လဲၣ်.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

1 ကရံၣ်သူး 1:26

ခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ဖဲကစၢ်ယွၤကိးသုအခါ, သုမ့ၢ်တ့ၢ်တၢ်မနုၤလဲၣ်န့ၣ် သ့ၣ်နီၣ်ထီၣ်သုဝဲတက့ၢ်. လၢပှၤကညီအတၢ်ထံၣ်တကပၤန့ၣ်သုဝဲ လၢအကူၣ်ဘၣ်ကူၣ်သ့မ့ၢ်ဂ့ၤ, အဂံၢ်ဆူၣ်ဘါဆူၣ်မ့ၢ်ဂ့ၤ, အိၣ်ဒီးအလီၢ်ဒိၣ်လၤထီမ့ၢ်ဂ့ၤအိၣ်ထဲစှၤဂၤလီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.