လံာ်မးသဲ 19:20 - Sgaw Karen Common Bible

²⁰ ဒီးပှၤဖိၣ်သၣ်ခွါန့ၣ်စံးဘၣ်ယ့ၣ်ၡူး, “တၢ်မၤလိာ်တဖၣ်အံၤ, ယတိၢ်န့ၢ်ဒီးမူထွဲအီၤခဲလၢာ်လံ. မ့ၢ်ယကဘၣ်မၤဒံးတၢ်အဂၤမနုၤလဲၣ်.”

လံာ်မးသဲ 19:20 Iomraidhean Croise

လံာ်မးသဲ 19:19

ယူးယီၣ်နမိၢ်ဒီးနပၢ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲ အသိးန့ၣ်တက့ၢ်” (ဟးထီၣ်. ၂၀:၁၂-၁၆).

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 15:29

အဝဲဒၣ်စံးဆၢအပၢ်, ‘ကွၢ်လၢအံၤ, လၢအနံၣ်အလါတဖၣ်အံၤအပူၤ, ယမၤတ့ၢ်တၢ်လၢနဂီၢ်ဒ်ကုၢ်တဂၤအသိး ဒီးယတလုၣ်သ့ၣ်ခါပတာ်နကလုၢ်နီတစုဘၣ်. နဟ့ၣ်တ့ၢ်လံယၤတၢ်မနုၤ တမံၤလဲၣ်. လၢယကမၤတၢ်အီၣ်သကိးအီသကိးအမူး ဒီးယတံၤသကိးတဖၣ်အဂီၢ်မဲာ်တဲးလဲးတဒုဒၣ်လဲာ်နတဟ့ၣ်ယၤဘၣ်.

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်ယိၤဟၣ် 8:7

ဖဲအဝဲသ့ၣ်ဆၢထၢၣ်ဖဲန့ၣ်ဒီးသံကွၢ်အီၤတၢ်သံကွၢ်တဖၣ် အခါန့ၣ်, ယ့ၣ်ၡူးဝံၢ်ထီၣ်က့ၤအသးဒီးစံးဘၣ်အဝဲသ့ၣ်, “လၢသုဝဲအကျါတဂၤဂၤမ့ၢ်တမၤတၢ်ဒဲးဘးနီတမံၤဘၣ်ဒီး, မ်အကကွံာ်ဆိပိာ်မုၣ်အံၤလၢလၢၢ်တဖျၢၣ်တက့ၢ်.”

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.

ကလၤတံ 3:24

လၢတၢ်န့ၣ်အဃိ, တုၤလၢခရံာ်ဟဲတစုန့ၣ်, တၢ်သိၣ်တၢ်သီ ပၢၤဃာ်ပှၤဒ်သိးပကဘၣ်တၢ်မၤလိၤမၤဘၣ်ပှၤဒီးယွၤခီဖျိ တၢ်စူၢ်တၢ်နာ်န့ၣ်လီၤ.

ဖံလံးပံၤ 3:6

ဒီးယသူၣ်ဆူၣ်သးဂဲၤယဲဒိၣ်မးတုၤဒၣ်လဲာ်ယမၤအၢမၤနး တၢ်အိၣ်ဖှိၣ်န့ၣ်လီၤ. ဖဲလၢအဘၣ်ဃးဒီးပှၤကညီတဂၤတီဝဲလိၤဝဲလၢအတၢ်စူၢ်တၢ်သိၣ် တၢ်သီအတၢ်မၤလိာ်တဖၣ်န့ၣ်, တၢ်ပာ်တၢ်ကမၣ်လၢယလိၤအလီၢ် တအိၣ်ဘၣ်.