လံာ်မးသဲ 19:19 - Sgaw Karen Common Bible

¹⁹ ယူးယီၣ်နမိၢ်ဒီးနပၢ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲ အသိးန့ၣ်တက့ၢ်” (ဟးထီၣ်. ၂၀:၁၂-၁၆).

လံာ်မးသဲ 19:19 Iomraidhean Croise

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်မးသဲ 19:20

ဒီးပှၤဖိၣ်သၣ်ခွါန့ၣ်စံးဘၣ်ယ့ၣ်ၡူး, “တၢ်မၤလိာ်တဖၣ်အံၤ, ယတိၢ်န့ၢ်ဒီးမူထွဲအီၤခဲလၢာ်လံ. မ့ၢ်ယကဘၣ်မၤဒံးတၢ်အဂၤမနုၤလဲၣ်.”

လံာ်မးသဲ 22:39

ဒီးတၢ်မၤလိာ်လၢအဒိၣ်ကတၢၢ်ခံထံၣ်တထံၣ်န့ၣ်လီၤဂာ်ဒီးအီၤလီၤ. ‘အဲၣ်ပှၤလၢနဃၢၤ, ဒ်နအဲၣ်လီၤနသးဒၣ်နဲအသိးန့ၣ်တက့ၢ်’ (ဘူၣ်ဘါ. ၁၉:၁၈).

လံာ်မးသဲ 5:43

သုနၢ်ဟူတ့ၢ်လၢတၢ်စံးတ့ၢ်ဝဲ, ‘အဲၣ်နတံၤနသကိးတဖၣ် ဒီးသးဟ့နဒုၣ်နဒါတဖၣ်တက့ၢ်.’

လံာ်လူၤကၣ် 10:27

ပှၤတဂၤန့ၣ်စံးဆၢတၢ်ဒီးစံးဝဲ, “နကဘၣ်အဲၣ်ကစၢ်ယွၤနကစၢ်လၢနသူၣ်ကံၢ်သးလဲ, လၢနသးဒီဖျၢၣ်, လၢနဂံၢ်နဘါခဲလၢာ်, ဒီးလၢနတၢ်ကူၣ်တၢ်ဆးခဲလၢာ်, ဒီးနကဘၣ်အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးလီၤ.”

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

ကလၤတံ 5:14

အဂ့ၢ်ဒ်အံၤ, တၢ်သိၣ်တၢ်သီခဲလၢာ်ဘၣ်တၢ်ပာ်ဖှိၣ်အီၤလၢ တၢ်မၤလိာ်တထံၣ်အပူၤ “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးတက့ၢ်” န့ၣ်လီၤ.

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

ယၤကိာ် 2:8

သုမ့ၢ်စူၢ်ကစၢ်ယွၤအဘီမုၢ်အတၢ်သိၣ်တၢ်သီလၢ အဘၣ်တၢ်ထံၣ်န့ၢ်အီၤလၢတၢ်ကွဲးအသးအပူၤလၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး” န့ၣ်ဒီး, သုကမၤဘၣ်တၢ်လၢအဘၣ်တမံၤန့ၣ်လီၤ.