လံာ်မးသဲ 19:12 - Sgaw Karen Common Bible

¹² အဂ့ၢ်ဒ်အံၤ, ပှၤတနီၤမ့ၢ်ပှၤဒ့ဒံၣ်ဖိလၢအမိၢ်အဟၢဖၢပူၤလံၤလံၤ, ဒီးပှၤတနီၤဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိလၢပှၤကညီအစုပူၤ, ဒီးပှၤတနီၤဒုးကဲထီၣ်လီၤက့ၤအသးလၢပှၤဒ့ဒံၣ်ဖိလၢမူခိၣ် အဘီအမုၢ်အဃိလီၤ. ပှၤလၢအတူၢ်လိာ်တၢ်အံၤသ့န့ၣ်မ်အတူၢ်လိာ်ဒၣ်ဝဲတက့ၢ်.”

လံာ်မးသဲ 19:12 Iomraidhean Croise

လံာ်ယၡါယၤ 39:7

ပှၤလၢအဟဲလီၤစၢၤလၢနၤလိၤလိၤတနီၤကဘၣ်တၢ်စိာ်ကွံာ်အီၤဒီး ကဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်ခ့တၢ်ပှၤ အတၢ်မၤလၢကီၢ်ဘၤဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.”

လံာ်မးသဲ 19:11

ယ့ၣ်ၡူးစံးဆၢအဝဲသ့ၣ်, “တၢ်သိၣ်လီၤသီလီၤအံၤပှၤတူၢ်လိာ်တသ့ဘၣ်ခဲလၢာ်ဘၣ်. ပှၤတူၢ်လိာ်သ့ဒၣ်ထဲပှၤလၢကစၢ်ယွၤဟ့ၣ်လီၤအီၤတဖၣ်ဧိၤလီၤ.

လံာ်မးသဲ 19:13

ပှၤတနီၤဟဲဆှၢဖိသၣ်တဖၣ်ဆူအအိၣ်, ဒ်သိးအကပာ်ထီၣ်အစုလၢ အလိၤ, ဒီးကဃ့ဘါထုကဖၣ်လၢအဂီၢ်လီၤ. ဘၣ်ဆၣ်အပျဲၢ်အဘီၣ်တဖၣ်ဒူပှၤတဖၣ်န့ၣ်အလိၤလီၤ.

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.