လံာ်မးသဲ 19:11 - Sgaw Karen Common Bible

¹¹ ယ့ၣ်ၡူးစံးဆၢအဝဲသ့ၣ်, “တၢ်သိၣ်လီၤသီလီၤအံၤပှၤတူၢ်လိာ်တသ့ဘၣ်ခဲလၢာ်ဘၣ်. ပှၤတူၢ်လိာ်သ့ဒၣ်ထဲပှၤလၢကစၢ်ယွၤဟ့ၣ်လီၤအီၤတဖၣ်ဧိၤလီၤ.

လံာ်မးသဲ 19:11 Iomraidhean Croise

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 19:10

အပျဲၢ်အဘီၣ်တဖၣ်စံးဘၣ်အီၤ, “တၢ်မ့မ့ၢ်ဒ်အံၤလၢဝၤဒီးမါအဘၢၣ်စၢၤဒီး, ပှၤတဂ့ၤန့ၢ်မါန့ၢ်ဝၤဘၣ်လီၤ.”

လံာ်မးသဲ 19:12

အဂ့ၢ်ဒ်အံၤ, ပှၤတနီၤမ့ၢ်ပှၤဒ့ဒံၣ်ဖိလၢအမိၢ်အဟၢဖၢပူၤလံၤလံၤ, ဒီးပှၤတနီၤဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိလၢပှၤကညီအစုပူၤ, ဒီးပှၤတနီၤဒုးကဲထီၣ်လီၤက့ၤအသးလၢပှၤဒ့ဒံၣ်ဖိလၢမူခိၣ် အဘီအမုၢ်အဃိလီၤ. ပှၤလၢအတူၢ်လိာ်တၢ်အံၤသ့န့ၣ်မ်အတူၢ်လိာ်ဒၣ်ဝဲတက့ၢ်.”

1 ကရံၣ်သူး 7:17

ပှၤတဂၤဘၣ်တဂၤကြၢးအိၣ်မူဝဲဆူညါ, လီၤပလိာ်ဒီးကစၢ်အတၢ်ဟ့ၣ်လၢအဟ့ၣ်အီၤ, ဒီးဒ်အအိၣ်မူတ့ၢ်ဝဲဖဲကစၢ်ယွၤကိးအီၤအဆၢကတီၢ်န့ၣ်လီၤ. အဝဲအံၤမ့ၢ်တၢ်ဘျၢလၢယသိၣ်လီၤသီလီၤယဲလၢတၢ်အိၣ်ဖှိၣ်ကိး ဖုဒဲးအပူၤလီၤ.

1 ကရံၣ်သူး 7:2

ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

1 ကရံၣ်သူး 7:35

ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.