လံာ်မးသဲ 18:9 - Sgaw Karen Common Bible

⁹ ဒီးနမဲာ်ချံမ့ၢ်မၤဟးဂီၤနတၢ်စူၢ်တၢ်နာ်ဒီး, ခွဲးထုးထီၣ်ကွံာ်ဒီးစူးကွံာ်အီၤတက့ၢ်. နလဲၤနုာ်ဆူတၢ်မူအပူၤအိၣ်ဒီးနမဲာ်ချံတခီန့ၣ်, ဂ့ၤဒိၣ်န့ၢ်ဒံးနဘၣ်တၢ်တ့ၢ်လီၤကွံာ်နၤဆူလရာ်အမ့ၣ်အူအပူၤ, အိၣ်ဒီးနမဲာ်ချံခံခီလၢာ်တက့ၢ်လီၤ.

လံာ်မးသဲ 18:9 Iomraidhean Croise

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 18:8

ဒီးနစုမ့ၢ်ဂ့ၤ, နခီၣ်မ့ၢ်ဂ့ၤ, မ့ၢ်မၤဟးဂီၤနတၢ်စူၢ်တၢ်နာ် ဒီး, ဒီၣ်တဲာ်ကွံာ်အီၤဒီးစူးကွံာ်အီၤတက့ၢ်. နလဲၤနုာ်ဆူတၢ်မူအပူၤအိၣ်ဒီးနစုကၢ်ခီၣ်ကၢ်န့ၣ်, ဂ့ၤဒိၣ်န့ၢ်ဒံးနဘၣ်တၢ်တ့ၢ်လီၤကွံာ်နၤဆူမ့ၣ်အူအထူအယိာ်အ ပူၤ, အိၣ်ဒီးနစုခံခီနခီၣ်ခံခီလၢာ်တက့ၢ်လီၤ.

လံာ်မးသဲ 19:17

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မးသဲ 5:29

နမဲာ်ချံအထွဲတခီမ့ၢ်ဒုးလီၤဃံၤနၤလၢတၢ်ဒဲးဘးအပူၤဒီး ခွဲးထုးထီၣ်အီၤဒီးစူးကွံာ်အီၤတက့ၢ်. နက့ၢ်နဂီၤတမံၤမံၤမ့ၢ်တအိၣ်လၢၤဘၣ်ဒီးနၤန့ၣ်, ဂ့ၤဒိၣ်န့ၢ်ဒံးနနီၢ်ကစၢ်ဒီဂၤညါဘၣ်တၢ်တ့ၢ်လီၤကွံာ်အီၤဆူ လရာ်အပူၤတက့ၢ်လီၤ.

လံာ်မၢ်ကူး 9:47

ဒီးလၢနမဲာ်ချံအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, အူခွဲးထီၣ်ကွံာ်အီၤတက့ၢ်. နကနုာ်လီၤဘၣ်ဆူယွၤအဘီအမုၢ်အပူၤအိၣ်ဒီးနမဲာ်ချံတခီန့ၣ်, ဂ့ၤန့ၢ်ဒံးနကအိၣ်ဒီးနမဲာ်ချံခံခီလၢာ်ဒီးနကဘၣ်တၢ်ကွံာ် လီၤနၤဆူလရာ်အပူၤန့ၣ်လီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.