လံာ်မးသဲ 18:35 - Sgaw Karen Common Bible

³⁵ လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

လံာ်မးသဲ 18:35 Iomraidhean Croise

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 21:2

နကဆိကမိၣ်လၢတၢ်လၢနမၤနဲကိးမံၤဒဲးန့ၣ်ဘၣ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢယွၤစံၣ်ညီၣ်နတၢ်တိာ်သူၣ်ပာ်သး လၢအမၢန့ၢ်ဆီၣ်ခံနၤတဖၣ်တက့ၢ်.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်စကၤရယၤ 7:12

ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ.

လံာ်မးသဲ 18:34

ဒီးလၢတၢ်သးဒိၣ်အပူၤအကစၢ်ဆှၢအီၤဆူဃိာ်ပူၤ, ဒ်သိးအကဘၣ်တၢ်မၤနးမၤဖှီၣ်အီၤ, တုၤလၢအလိးတူာ်က့ၤအကမၢ်ခဲလၢာ်တစုလီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်မၢ်ကူး 11:25

ဒီးတုၤသုဆၢထၢၣ်ဃ့ထုကဖၣ်ယွၤဒီး, ပှၤတဂၤလၢ်လၢ်အတၢ်ကမၣ်လၢသုစၢဃာ်လၢသုသးပူၤထီဒါအီၤမ့ၢ် အိၣ်တမံၤမံၤန့ၣ်, ပျၢ်ကွံာ်အီၤတက့ၢ်. လၢသုပျၢ်ပှၤဂၤအတၢ်ကမၣ်အဃိသုပၢ်အိၣ်လၢမူခိၣ်ကပျၢ်စ့ၢ် ကီးသုမၤကမၣ်တၢ်တဖၣ်လီၤ.

လံာ်မၢ်ကူး 11:26

(သုမ့ၢ်တပျၢ်ပှၤဂၤအတၢ်ကမၣ်ဘၣ်ဒီး, သုပၢ်အိၣ်လၢမူခိၣ်တပျၢ်သုမၤကမၣ်တၢ်တဖၣ်န့ၣ်ဘၣ်.)”

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.