လံာ်မးသဲ 18:31 - Sgaw Karen Common Bible

³¹ တုၤတၢ်အခ့အပှၤအဂၤတဖၣ်ထံၣ်တၢ်မၤအသးအံၤဒီး, အဝဲသ့ၣ်အသးဘၣ်တံာ်တာ်ဒိၣ်မး, ဒီးလဲၤဘိးဘၣ်သ့ၣ်ညါအကစၢ်လၢတၢ်မၤအသးန့ၣ်ခဲလၢာ်လီၤ.

လံာ်မးသဲ 18:31 Iomraidhean Croise

လံာ်တၢ်ကဲထီၣ်အခီၣ်ထံး 37:2

ဒီးအအံၤမ့ၢ်တၢ်စံၣ်စိၤတဲစိၤဘၣ်ထွဲဒီးစီၤယၤကိာ်အဒူၣ်ဖိ ထၢဖိန့ၣ်လီၤ. စီၤယိၤသး, ပှၤသးစၢ်လၢအသးအိၣ်တဆံနွံနံၣ်တဂၤဒီးအဒီပုၢ် ဝဲၢ်ခွါလၢအမ့ၢ်အပၢ်သံၣ်မါနီၢ်ဘံၤလဟၤဒီးနီၢ်စံလပၤအဖိ ခွါသ့ၣ်တဖၣ်န့ၣ်ကွၢ်ထွဲသိဒီးမဲာ်တဲးလဲးတဖၣ်န့ၣ်လီၤ. အဝဲဟဲက့ၤစိာ်တၢ်ကစီၣ်အအၢအသီလၢအဒီပုၢ်ဝဲၢ်ခွါတဖၣ်မၤတ့ၢ် ဝဲဆူအပၢ်အအိၣ်န့ၣ်လီၤ.

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

စံးထီၣ်ပတြၢၤ 119:158

ယကွၢ်ပှၤလီတၢ်ဖိလၢယတၢ်သးကိၢ်ထီၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တတိၢ်န့ၢ်ဘၣ် နတၢ်မၤလိာ်တဖၣ်န့ၣ်ဘၣ်.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်မးသဲ 14:9

စီၤပၤအသးအုး, ဘၣ်ဆၣ်မ့ၢ်လၢအတၢ်အၢၣ်လီၤအီလီၤလၢ အမၤတ့ၢ်ဝဲလၢပှၤသမှံၤတဖၣ်အမဲာ်ညါအဃိ, အဝဲဟ့ၣ်လီၤအကလုၢ်လၢတၢ်ကဟ့ၣ်အီၤတၢ်လၢအဃ့ဝဲန့ၣ်လီၤ.

လံာ်မးသဲ 18:28

တုၤတၢ်အခ့အပှၤအဝဲန့ၣ်ဟးထီၣ်ကွံာ်, ဒီးထံၣ်န့ၢ်တၢ်အခ့အပှၤသကိးဒီးအီၤလၢအကမၢ်အိၣ်ဝဲဒီးအီၤ စ့ဒန့ၤရံတကယၤတဂၤဒီး, စှီၤဃာ်အကိာ်ဒီးစံးဘၣ်အီၤ, ‘နကမၢ်လၢအအိၣ်ဒီးယၤန့ၣ်လိးက့ၤတက့ၢ်.’

လံာ်မးသဲ 18:30

အဝဲတတူၢ်လိာ်ဘၣ်တၢ်ဃ့ကညးအံၤဘၣ်ဒီး, မၢပှၤဒုးဃာ်အသကိးန့ၣ်လၢဃိာ်ပူၤ, တုၤအလိးတူာ်က့ၤအကမၢ်တစုန့ၣ်လီၤ.

လံာ်မးသဲ 18:32

တုၤနုၤတစု, အကစၢ်န့ၣ်ကိးက့ၤအခ့အပှၤန့ၣ်ဆူအအိၣ်, ဒီးစံးဘၣ်အီၤ, ‘ကုၢ်လၢအအၢတဂၤဧၢ, မ့ၢ်လၢနဃ့ကညးယၤအဃိယပျၢ်ကွံာ်နကမၢ်ခဲလၢာ်လီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်လူၤကၣ် 14:21

တၢ်ခ့တၢ်ပှၤက့ၤကဒါက့ၤဒီးစံးဘၣ်တဲဘၣ်အကစၢ် လၢတၢ်သ့ၣ်တဖၣ်အံၤခဲလၢာ်လီၤ. ဟံၣ်ကစၢ်အသူၣ်ဒိၣ်သးဖျိးဒီးစံးဘၣ်အတၢ်ခ့တၢ်ပှၤ, ‘ဟးထီၣ်ချ့ချ့ဆူဝ့ၢ်အကျဲမုၢ်ခိၣ်ဒီးကျဲဖိတဖၣ် ဒီးဟဲက့ၤကိးပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤမဲာ်ဘျီၣ်, ဒီးပှၤခီၣ်ဟးဂီၤတဖၣ်န့ၣ်တက့ၢ်.’

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

၂ ကရံၣ်သူး 11:21

လၢပကမၤတၢ်သ့ၣ်တဖၣ်န့ၣ်အဂီၢ်ပအိၣ်ဒီးတၢ်သူၣ်ပျံၤသးဖုး အါကဲၣ်ဆိးအဂ့ၢ်န့ၣ်, ယကအၢၣ်လီၤအဂီၢ်ယမဲာ်ဆှးလီၤ. ဘၣ်ဆၣ်ဒီးပှၤတဂၤဂၤကတိၤတၢ်ကဖၢလၢလၢတၢ်တမံၤမံၤ အဂ့ၢ်မ့ၢ်ဘူၣ်ကစီဒီန့ၣ်ယကတိၤတၢ်ဒ်တၢ်ပျုၢ်တဂၤအသိး, ယကဒူယဲဒ်န့ၣ်အသိးစ့ၢ်ကီးလီၤ.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.