လံာ်မးသဲ 18:28 - Sgaw Karen Common Bible

²⁸ တုၤတၢ်အခ့အပှၤအဝဲန့ၣ်ဟးထီၣ်ကွံာ်, ဒီးထံၣ်န့ၢ်တၢ်အခ့အပှၤသကိးဒီးအီၤလၢအကမၢ်အိၣ်ဝဲဒီးအီၤ စ့ဒန့ၤရံတကယၤတဂၤဒီး, စှီၤဃာ်အကိာ်ဒီးစံးဘၣ်အီၤ, ‘နကမၢ်လၢအအိၣ်ဒီးယၤန့ၣ်လိးက့ၤတက့ၢ်.’

လံာ်မးသဲ 18:28 Iomraidhean Croise

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

တၢ်ကတိၤဒိ. 28:3

ပှၤပၢတၢ်တဂၤလၢအမၤနးမၤဖှီၣ်ပှၤဖှီၣ်ဖိယာ်ဖိန့ၣ်, မၤအသးဒ်တၢ်ဟဲစူၤလီၤဆူၣ်ဆူၣ်လၢအမၤဟးဂီၤကွံာ် တၢ်မုၢ်တၢ်ဘိတၤသူတၤသၣ်တဖၣ်န့ၣ်လီၤ.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယဃ့းစက့လး 45:9

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “သုဝဲကီၢ်အံၣ်စရ့လးအပှၤပၢတၢ်သ့ၣ်ဧၢ, သုမၤတ့ၢ်တၢ်ဒဲးဘး ယံာ်တ့ၢ်မးလံ. ဆိကတီၢ်သုတၢ်မၤဆူၣ်မၤစိးဒီး တၢ်မၤနးမၤဖှီၣ်န့ၣ်တက့ၢ်. မၤတၢ်လၢအဘၣ်ဒီးအမ့ၢ်အ တီန့ၣ်တက့ၢ်. သုတဘၣ်နီၣ်ဟးထီၣ်ကွံာ်လၢၤယပှၤဂီၢ်မုၢ် လၢအကီၢ်ပူၤနီတဘျီဘၣ်. ယၤ, ယွၤပၢဘၣ်တၢ်ခဲလၢာ် ကစၢ်တဲဘၣ်သုတၢ်အံၤန့ၣ်လီၤ.

လံာ်မးသဲ 18:27

စီၤပၤသးကညီၤဘၣ်အီၤသတးဒီး, တြူာ်ကွံာ်အကမၢ်ခဲလၢာ်, ဒီးပျၢ်ပူၤဖျဲးကွံာ်အီၤန့ၣ်လီၤ.

လံာ်မးသဲ 18:29

တုၤနုၤတစု, အသကိးန့ၣ်ထိၣ်လီၤပှီၤအသးလၢအမဲာ်ညါ, ဒီးဃ့ကညးအီၤဒီးစံး, ‘ဝံသးစူၤဒီးဟ့ၣ်အါထီၣ်ယၤတၢ်ဆၢကတီၢ်တက့ၢ်. ဒီးယကလိးက့ၤနၤလီၤ.’

လံာ်မးသဲ 20:2

အဝဲအၢၣ်လီၤပှၤမၤတၢ်ဖိတဖၣ်လၢအကဟ့ၣ်အဝဲသ့ၣ်လၢစ့ညၣ်တဘ့ၣ်, ဒီးဆှၢလီၤအဝဲသ့ၣ်ဆူအစပံးလီၢ်န့ၣ်လီၤ.

လံာ်မၢ်ကူး 14:5

သိနၢမူဒ်အံၤပှၤမ့ၢ်ဆါလီၤဒီးကန့ၢ်စ့ဒန့ၤရံအဘ့ၣ်သၢကယၤ ဒီးစ့န့ၣ်တၢ်ဟ့ၣ်လီၤပှၤလၢအဖှီၣ်သ့လီၤ. ဒီးအဝဲသ့ၣ်ကတိၤအ့ၣ်လိာ်ပိာ်မုၣ်န့ၣ်ဆါဆါကလဲာ်လီၤ.”

လံာ်မၢ်ကူး 6:37

ယ့ၣ်ၡူးစံးဆၢအဝဲသ့ၣ်, “ဟ့ၣ်ဒုးအီၣ်ဒုးအီအဝဲသ့ၣ်လၢတၢ် တမံၤမံၤလၢသုနီၢ်ကစၢ်ဒၣ်သုဝဲတက့ၢ်.” အဝဲသ့ၣ်သံကွၢ်ဝဲ, “နအဲၣ်ဒိးလၢပကလဲၤပှ့ၤကိၣ် လီၤလၢစ့ဒန့ၤရံခံကယၤလၢပကဒုးအီၣ်ပှၤတဖၣ်အံၤအဂီၢ်န့ၣ်ဧါ.”

လံာ်လူၤကၣ် 10:35

မုၢ်ဆ့ၣ်ထီၣ်တနံၤန့ၣ်, အဝဲဒၣ်ထုးထီၣ်စ့ဒန့ၤရံခံဘ့ၣ်, ဒီးဟ့ၣ်ဝဲဘျီၣ်ခိၣ်, ဒီးစံးဘၣ်အီၤ, ‘အံးထွဲကွၢ်ထွဲအီၤတက့ၢ်. ဒီးဖဲယဟဲက့ၤန့ၣ်, ယကဟ့ၣ်ကဒါက့ၤနၤကယဲၢ်တၢ်လၢနဘၣ်လၢာ်အါထီၣ်နဲလၢ အဝဲဒၣ်အဂီၢ်န့ၣ်လီၤ.’ ”

လံာ်လူၤကၣ် 7:41

ယ့ၣ်ၡူးကတိၤထီၣ်တၢ်ဒီးစံးဝဲ, “ပှၤအိၣ်ဝဲဒၣ်ခံဂၤလၢ အကမၢ်အိၣ်လၢအကဘၣ်လိးက့ၤပှၤဟ့ၣ်လိၢ်တိၢ်တဂၤလီၤ. ပှၤတဂၤန့ၣ်အကမၢ်အိၣ်စ့ဒန့ၤရံယဲၢ်ကယၤဒီးအဂၤတဂၤန့ၣ် အကမၢ်အိၣ်ဒန့ၤရံယဲၢ်ဆံလီၤ.

လံာ်ယိၤဟၣ် 6:7

စီၤဖံလံးပူးစံးဆၢအီၤ, “လၢပှၤခဲလၢာ်ကအီၣ်ဘၣ်တၢ်ထဲ တဂၤတစဲးဖိဒၣ်လဲာ်, စ့ကလၢာ်အါန့ၢ်ဒံးဒန့ၤရံခံကယၤ လၢတၢ်ပှ့ၤန့ၢ်ကိၣ်အဂီၢ်လီၤ.

လံာ်သိၣ်လီၤသီလီၤတၢ် 15:2

အအံၤမ့ၢ်တၢ်လၢသုကဘၣ်မၤအီၤဒ်လဲၣ်န့ၣ်လီၤ. ကယဲၢ်ပှၤတဂၤလၢ်လၢ်လၢအဒုးလိၢ်လီၤစ့ဆူအပှၤအံၣ်စရ့လးဖိ ကဒဲကဒဲတဂၤဂၤန့ၣ်, ကဘၣ်တြူာ်ကွံာ်ဒ့ၣ်ကမၢ်န့ၣ်လီၤ. အဝဲတဘၣ်ကျဲးစၢးထၢဖှိၣ်က့ၤစ့န့ၣ်ဘၣ်. ယွၤအနီၢ်ကစၢ်ဒၣ်ဝဲဘိးဘၣ်သ့ၣ်ညါဝဲဒၣ်လၢဒ့ၣ်ကမၢ်န့ၣ်ဘၣ်တၢ်တြူာ်ကွံာ်အီၤလံန့ၣ်လီၤ.