လံာ်မးသဲ 18:27 - Sgaw Karen Common Bible

²⁷ စီၤပၤသးကညီၤဘၣ်အီၤသတးဒီး, တြူာ်ကွံာ်အကမၢ်ခဲလၢာ်, ဒီးပျၢ်ပူၤဖျဲးကွံာ်အီၤန့ၣ်လီၤ.

လံာ်မးသဲ 18:27 Iomraidhean Croise

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်မးသဲ 18:28

တုၤတၢ်အခ့အပှၤအဝဲန့ၣ်ဟးထီၣ်ကွံာ်, ဒီးထံၣ်န့ၢ်တၢ်အခ့အပှၤသကိးဒီးအီၤလၢအကမၢ်အိၣ်ဝဲဒီးအီၤ စ့ဒန့ၤရံတကယၤတဂၤဒီး, စှီၤဃာ်အကိာ်ဒီးစံးဘၣ်အီၤ, ‘နကမၢ်လၢအအိၣ်ဒီးယၤန့ၣ်လိးက့ၤတက့ၢ်.’

လံာ်မးသဲ 18:32

တုၤနုၤတစု, အကစၢ်န့ၣ်ကိးက့ၤအခ့အပှၤန့ၣ်ဆူအအိၣ်, ဒီးစံးဘၣ်အီၤ, ‘ကုၢ်လၢအအၢတဂၤဧၢ, မ့ၢ်လၢနဃ့ကညးယၤအဃိယပျၢ်ကွံာ်နကမၢ်ခဲလၢာ်လီၤ.

လံာ်လူၤကၣ် 7:42

အဝဲသ့ၣ်လိးက့ၤအကမၢ်လၢအအိၣ်တန့ၢ်နီတဂၤဘၣ်. လၢတၢ်န့ၣ်အဃိ အဝဲဒၣ်ပျၢ်ကလီကွံာ်အဝဲသ့ၣ်ခံဂၤလၢာ်အကမၢ်လီၤ. မ့မ့ၢ်ဒ်န့ၣ်ဒီး, ဖဲလဲၣ်တဂၤကအဲၣ်အီၤဒိၣ်ဒၣ်တၢ်တက့ၢ်လဲၣ်.”

လံာ်လူၤကၣ် 7:43

စီၤၡံမိၣ်စံးဆၢအီၤ, “ယဆိကမိၣ်, ကမ့ၢ်ပှၤလၢအဝဲပျၢ်ကွံာ်အကမၢ်အအါကတၢၢ်တဂၤလီၤ.” ယ့ၣ်ၡူးစံးဘၣ်အီၤ, “နတၢ်စံးဆၢဘၣ်ကစီဒီလီၤ.”

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.