လံာ်မးသဲ 18:24 - Sgaw Karen Common Bible

²⁴ ဖဲအဝဲစးထီၣ်ကွၢ်က့ၤအခ့အပှၤတဖၣ်အစ့စရီ, ဒီးပှၤဟဲကိးန့ၢ်အီၤလၢအခ့အပှၤအကျါတဂၤ, လၢအကမၢ်အိၣ်လၢအအိၣ် စ့အကကွဲၢ်တဖၣ်အကကွဲၢ်လီၤ.

လံာ်မးသဲ 18:24 Iomraidhean Croise

လံာ်တၢ်ကဲထီၣ်အခီၣ်ထံး 44:10

အဝဲစံးဝဲ, “ယအၢၣ်လီၤလီၤ. ဘၣ်ဆၣ်ဒီးထဲဒၣ်ပှၤတဂၤဧိၤလၢ အဟံးန့ၢ်ကွံာ်လီခီကကဲထီၣ်ယကုၢ်ယပှၤ, ဒီးသုဝဲပှၤအိၣ်လီၤတဲာ်ပူၤဖျဲးသ့ဝဲလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:7

တၢ်လၢအဝဲသ့ၣ်ဟ့ၣ်လီၤလၢတၢ်ဘှီထီၣ်ယွၤအတၢ်လုၢ်ဟံၣ်အဂီၢ်မ့ၢ် ဒ်လာ်အံၤလီၤ. ထူကံကၢ်ယဲၢ်ကထိဒီးဒၤရံးတကလး, စ့အကံကၢ်တကလး, တိၢ်ဘီအကံကၢ်တကလးဃိးကထိ, ဒီးထးအကံကၢ်တကလီၤ.

လံာ်စီၤဧ့စြၤ 9:6

ယစံး, “အိ, ကစၢ်ယွၤဧၢ, ယမဲာ်ဆှးတ့ၢ်ဒိၣ်မးလၢယကမိာ်ထီၣ်ယခိၣ်လၢနမဲာ်ညါန့ၣ်လီၤ. ယတၢ်ဒဲးဘးတဖၣ်အိၣ်ဒီကထၢထီၣ်အသးထီန့ၢ်ဒံးပခိၣ်တဖၣ်ဒီး တုၤထီၣ်ထီဝဲထဲသိးမူခိၣ်တဖၣ်န့ၣ်လီၤ.

စံးထီၣ်ပတြၢၤ 38:4

ယတၢ်ဒဲးဘးလုၣ်ဘၢကွံာ်ယၤ ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ ယကယိးအီၤအဂီၢ်န့ၣ်လီၤ.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

လံာ်မးသဲ 18:23

အဂ့ၢ်ဒ်အံၤ, မူခိၣ်ဘီမုၢ်န့ၣ်မ့ၢ်အလီၤဂာ်ဒ်သိးအံၤအဃိလီၤ. တဘျီစီၤပၤလၢအပာ်လီၤအသးလၢအကကွၢ်ကဒါက့ၤအခ့အပှၤ တဖၣ်အစ့စရီအိၣ်ဝဲတဂၤလီၤ.

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.

လံာ်မးသဲ 25:15

အဝဲဟ့ၣ်လီၤဝဲအခ့အပှၤတဖၣ်ဒ်အတၢ်သ့တၢ်ဘၣ်အိၣ်ဝဲအသိးလီၤ. အခီၣ်ထံးတဂၤန့ၣ်ဟ့ၣ်ဝဲယဲၢ်တၤလၣ်, လၢခံတဂၤန့ၣ်ဟ့ၣ်ဝဲခံတၤလၣ်, ဒီးအဂၤတဂၤန့ၣ်တတၤလၣ်လီၤ. တုၤနုၤတစုအဝဲဟးထီၣ်ဒီးလဲၤတၢ်လီၤ.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

လံာ်မးသဲ 25:20

တၢ်အခ့အပှၤလၢအဒိးန့ၢ်ဘၣ်စ့ယဲၢ်တၤလၣ်တဂၤဟဲဆူအကစၢ် အအိၣ်စိာ်ဃုာ်ဒီးအစ့အဂၤယဲၢ်တၤလၣ်လၢအမၤန့ၢ်အါထီၣ်ဝဲဒီးဟ့ၣ် လီၤဝဲဆူအကစၢ်အစုပူၤဒီးစံး, ‘ကစၢ်ဧၢ, နဟ့ၣ်တ့ၢ်ယၤစ့ယဲၢ်တၤလၣ်လီၤ. အအံၤမ့ၢ်အဂၤယဲၢ်တၤလၣ်လၢယမၤအါထီၣ်န့ၣ်လီၤ.’

လံာ်မးသဲ 25:22

တၢ်အခ့အပှၤလၢအဒိးန့ၢ်စ့ခံတၤလၣ်တဂၤစ့ၢ်ကီးဟဲဝဲဒီး စံး, ‘ကစၢ်ဧၢ, နဟ့ၣ်ယၤစ့ခံတၤလၣ်လီၤ. အအံၤတခီမ့ၢ်စ့အဂၤခံတၤလၣ်လၢယမၤအါထီၣ်န့ၣ်လီၤ.’

လံာ်မးသဲ 25:24

တၢ်အခ့အပှၤလၢအဒိးန့ၢ်စ့တတၤလၣ်တဂၤစ့ၢ်ကီး ဟဲဝဲဒီးစံး, ‘ကစၢ်ဧၢ, ယသ့ၣ်ညါလၢနမ့ၢ်ပှၤလၢအကီတဂၤလီၤ. နကူးအီၣ်တၤသူတၤသၣ်ဖဲနတသူၣ်လီၤဖျးလီၤဘၣ်တၢ်အလီၢ်, ဒီးနထၢဖှိၣ်က့ၤတၢ်ဖဲနတဖှံလီၤတၢ်အချံအလီၢ်န့ၣ်လီၤ.

လံာ်လူၤကၣ် 13:4

ပှၤတဆံဃိးဂၤလၢအသံဝဲဖဲတၢးထီၡံလိၣ်လီၤပှီၢ်လၢအဖီခိၣ်, တခီလဲၣ်. မ့ၢ်သုဆိကမိၣ်လၢတၢ်မၤအသးတမံၤအံၤမ့ၢ်တၢ်အုၣ်အသးလၢ အဝဲသ့ၣ်အၢဝဲသီဝဲဒိၣ်န့ၢ်ပှၤအဂၤတဖၣ်လၢအအိၣ်ဆိးလၢဝ့ၢ် ယရူၤၡလ့ၣ်အပူၤန့ၣ်ဧါ.

လံာ်လူၤကၣ် 16:5

လၢတၢ်န့ၣ်အဃိ, အဝဲဒၣ်ကိးဃီၤပှၤတဖၣ်လၢအိၣ်ဒီးအကမၢ် လၢအကဘၣ်လိးတူာ်က့ၤအကစၢ်လီၤ. အဝဲဒၣ်စံးဘၣ်ပှၤအဆိ ကတၢၢ်တဂၤ, ‘နဒ့ၣ်ကမၢ်လၢနကဘၣ်လိးက့ၤယကစၢ်န့ၣ်အိၣ်ဆံး အါလဲၣ်.’

လံာ်လူၤကၣ် 16:7

အဝဲဒၣ်စံးဘၣ်ကဒီးပှၤအဂၤတဂၤ, ‘နဲဒၣ်တခီလဲၣ်. နဒ့ၣ်ကမၢ်လၢနကဘၣ်လိးက့ၤအိၣ်ဝဲဆံးအါလဲၣ်.’ အဝဲဒၣ်စံးဆၢအီၤ, ‘ဘုကၠူၣ်အကိၢ်တကယၤလီၤ.’ ပှၤပၢၤတၢ်စုလီၢ်ခီၣ်ခိၣ်စံးဘၣ်အီၤ, ‘နစရီအိၣ်လၢအံၤ, ဆ့ၣ်နီၤဒီးကွဲးလီၤဃိးဆံတက့ၢ်.’