လံာ်မးသဲ 18:23 - Sgaw Karen Common Bible

²³ အဂ့ၢ်ဒ်အံၤ, မူခိၣ်ဘီမုၢ်န့ၣ်မ့ၢ်အလီၤဂာ်ဒ်သိးအံၤအဃိလီၤ. တဘျီစီၤပၤလၢအပာ်လီၤအသးလၢအကကွၢ်ကဒါက့ၤအခ့အပှၤ တဖၣ်အစ့စရီအိၣ်ဝဲတဂၤလီၤ.

လံာ်မးသဲ 18:23 Iomraidhean Croise

လံာ်မးသဲ 13:24

ယ့ၣ်ၡူးတဲကဒီးတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးပှၤလၢအဖှံလီၤတၢ်ချံလၢအ ဂ့ၤလၢအစံာ်ပျီပူၤလီၤ.

လံာ်မးသဲ 13:31

ယ့ၣ်ၡူးတဲတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးသဘၣ်ချံဖိတဖျၢၣ် လၢပှၤတဂၤဟံးန့ၢ်ဒီးဖှံလီၤအီၤလၢစံာ်ပျီပူၤလီၤ.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်မးသဲ 13:47

မၤကဒီးတစုမူခိၣ်အဘီအမုၢ်န့ၣ်လီၤဂာ်ဒီးစၤလၢ အဘၣ်တၢ်တ့ၢ်လီၤအီၤလၢပီၣ်လဲၣ်အပူၤဒီးဖီၣ်န့ၢ်ညၣ်ကိး ကလုာ်ဒဲးန့ၣ်လီၤ.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 18:24

ဖဲအဝဲစးထီၣ်ကွၢ်က့ၤအခ့အပှၤတဖၣ်အစ့စရီ, ဒီးပှၤဟဲကိးန့ၢ်အီၤလၢအခ့အပှၤအကျါတဂၤ, လၢအကမၢ်အိၣ်လၢအအိၣ် စ့အကကွဲၢ်တဖၣ်အကကွဲၢ်လီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 25:14

တုၤနုၤတစု, မူခိၣ်အဘီအမုၢ်ကလီၤဂာ်ဒီးတၢ်အံၤလီၤ. တဘျီပှၤအိၣ်တဂၤလၢအသါကဟးထီၣ်လၢအဟံၣ်ဒီး လဲၤတၢ်လီၤ. အဝဲကိးန့ၢ်အခ့အပှၤတဖၣ်, ဒီးဟ့ၣ်လီၤအဝဲသ့ၣ်မူဒါလၢ အကကွၢ်ထွဲအတၢ်ဖိတၢ်လံၤတဖၣ်လီၤ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

ရိမ့ၤ 14:12

မ့မ့ၢ်ဒ်န့ၣ်ဒီး, ပဝဲကိးဂၤဒဲးပကဘၣ်ဟ့ၣ်တၢ်စံးဆၢလၢ ကစၢ်ယွၤလၢပကစၢ်ဒၣ်ပဝဲအဂ့ၢ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.