လံာ်မးသဲ 18:22 - Sgaw Karen Common Bible

²² ဒီးယ့ၣ်ၡူးစံးဘၣ်အီၤ, “ယတစံးဘၣ်နၤတုၤအပှဲၤထီၣ်နွံဘျီဘၣ်. မ့မ့ၢ်တုၤအပှဲၤထီၣ်နွံစုအဘျီနွံဆံလီၤ.

လံာ်မးသဲ 18:22 Iomraidhean Croise

လံာ်တၢ်ကဲထီၣ်အခီၣ်ထံး 4:24

သးသမူနွံဖျၢၣ်မ့ၢ်ဘၣ်တၢ်ဟံးထီၣ်ကွံာ်လၢတၢ်မၤသံစီၤကၤယံၣ် အဃိန့ၣ်ဒီး ပှၤတဂၤလၢ်လၢ်မ့ၢ်မၤသံယၤန့ၣ်, သးသမူနွံဆံနွံဖျၢၣ်ကဘၣ်တၢ်ဟံးထီၣ်ကွံာ်အီၤလီၤ.”

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

လံာ်မးသဲ 18:23

အဂ့ၢ်ဒ်အံၤ, မူခိၣ်ဘီမုၢ်န့ၣ်မ့ၢ်အလီၤဂာ်ဒ်သိးအံၤအဃိလီၤ. တဘျီစီၤပၤလၢအပာ်လီၤအသးလၢအကကွၢ်ကဒါက့ၤအခ့အပှၤ တဖၣ်အစ့စရီအိၣ်ဝဲတဂၤလီၤ.

လံာ်မၢ်ကူး 11:25

ဒီးတုၤသုဆၢထၢၣ်ဃ့ထုကဖၣ်ယွၤဒီး, ပှၤတဂၤလၢ်လၢ်အတၢ်ကမၣ်လၢသုစၢဃာ်လၢသုသးပူၤထီဒါအီၤမ့ၢ် အိၣ်တမံၤမံၤန့ၣ်, ပျၢ်ကွံာ်အီၤတက့ၢ်. လၢသုပျၢ်ပှၤဂၤအတၢ်ကမၣ်အဃိသုပၢ်အိၣ်လၢမူခိၣ်ကပျၢ်စ့ၢ် ကီးသုမၤကမၣ်တၢ်တဖၣ်လီၤ.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

ကလီးစဲ 3:13

ဝံသးစူၤလိာ်သုသးဒီးတၢ်ပာ်ဒ့ၣ်ပာ်ကမၣ်လိာ်သုသးအလီၢ်မ့ၢ် အိၣ်ဒီးပျၢ်လိာ်သုတၢ်ကမၣ်သကိးသကိးတက့ၢ်. ပျၢ်လိာ်သုတၢ် ကမၣ်တဂၤဒီးတဂၤဒ်ကစၢ်ပျၢ်တ့ၢ်လံသုတၢ်ကမၣ်အသိးန့ၣ်တက့ၢ်.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.