လံာ်မးသဲ 18:19 - Sgaw Karen Common Bible

¹⁹ ယစံးဘၣ်တဲဘၣ်ကဒီးသု, ပှၤလၢသုကျါခံဂၤလၢဟီၣ်ခိၣ်ချၢအံၤအသးမ့ၢ်လီၤပလိာ် လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ယပၢ်အိၣ်လၢမူခိၣ်ကမၤန့ၢ်အဝဲသ့ၣ်တၢ်လၢအဃ့ဝဲန့ၣ်လီၤ.

လံာ်မးသဲ 18:19 Iomraidhean Croise

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 5:24

ပာ်တ့ၢ်နတၢ်လုၢ်ဖဲတၢ်လုၢ်လီၢ်န့ၣ်ဒီးလဲၤမၤဘၣ်လိာ်က့ၤနသးဒီး အီၤလၢအဆိဝံၤအလီၢ်ခံဟဲက့ၤဒီးလုၢ်ထီၣ်နတၢ်လုၢ်န့ၣ်ဆူကစၢ်ယွၤ အအိၣ်တက့ၢ်.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်မၢ်ကူး 11:24

လၢတၢ်န့ၣ်အဃိယစံးဘၣ်သု, တုၤသုဘါထုကဖၣ်ဒီးဃ့တၢ်တမံၤ မံၤန့ၣ်, နာ်လၢသုန့ၢ်ဘၣ်လံအီၤ, ဒီးသုကန့ၢ်ဘၣ်သုဝဲလီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 16:23

တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

မၤတၢ် 12:5

လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

မၤတၢ် 16:10

စီၤပီလူးဒိးန့ၢ်တၢ်ထံၣ်လၢညါခီဝံၤအလီၢ်ခံတဘျီဃီ, ပအိၣ်ကတဲာ်ကတီၤပသးလၢပကဟးထီၣ်ဒီးလဲၤဆူကီၢ်မၤက့းဒနံ, အဂ့ၢ်မ့ၢ်လၢပနာ်လၢယွၤကိးပှၤဒ်သိးပကစံၣ်တဲၤတဲလီၤတၢ်သးခု အကစီၣ်ဆူပှၤထံဖိကီၢ်ဖိဖဲန့ၣ်တဖၣ်အအိၣ်အဃိန့ၣ်လီၤ.

မၤတၢ် 6:4

ပဝဲဒၣ်ပကစၢ်ဒၣ်ပဝဲတခီ, ပကဟ့ၣ်လီၤပဆၢကတီၢ်လၢာ်လၢာ်ဆ့ဆ့လၢတၢ်ထု ကဖၣ်ဒီးတၢ်စံၣ်တဲၤတဲလီၤယွၤကလုၢ်ကထါအဂီၢ်လီၤ.”

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.

၁ ယိၤဟၣ် 3:22

တၢ်လၢပဃ့တမံၤလၢ်လၢ်န့ၣ်ပဒိးန့ၢ်လၢအီၤ, မ့ၢ်လၢပစူၢ် အတၢ်မၤလိာ်တဖၣ်ဒီးမၤတၢ်လၢအဘၣ်အသးအဃိန့ၣ်လီၤ.